عه‌مار محه‌مه‌د: ل پارێزگه‌ها دهۆكێ ب تنێ گرنگیێ دده‌نه دو یاریان
ئه‌ڤرۆ، هه‌رهین محه‌مه‌د:
د دیداره‌كێ دا عه‌مار محه‌مه‌د جه‌میل یاریزانێ ته‌پا مێزێ ل یانا دهۆك بۆ ئه‌ڤرۆ گۆت: سه‌رانسه‌ری ئیراقێ هه‌ڤڕكیه‌كا باش یا هه‌یی و یاریا ته‌پا مێزێ جوداهیه‌ك هه‌یه ل گه‌ل ته‌پا پێی ژبه‌ركو هنگاڤتن تێدا نینه و خوه‌شیا یاریا مه ئه‌ڤه‌یه، لێ پشته‌ڤان و حه‌ز ژێكه‌رێن یاریا ته‌پا پێی زێده‌ترن به‌روڤاژی یاریا مه كو تایبه‌تن، ب مخابنی ڤه ل هه‌رێما كوردستانێ تایبه‌تی ل پارێزگه‌ها دهۆكێ چو گرنگیێ ب یاریا ته‌پا مێزی َناهێته دان ب تنێ گرنگی ب یاریا ته‌پا پێی و باسكێت بۆلێ دهێته كرن، لڤێ دووماهی قاره‌مانیا كوردستانێ ئه‌وا ل پارێزگه‌ها دهۆكێ هاتیه كرن ئه‌م شیاین پلا ئێكێ ل سه‌ر ئاستێ تازه‌پێگه‌هشتیان ب ده‌ست خوه ڤه بینین و هه‌تا نوكه چ پیرۆزباهی ل كارگێریا یانا دهۆك نه هاتیه كرن.
ناڤبری گۆتژی: راهێنه‌رێن مه خودان شیانن و باوه‌رناكه‌م ئه‌و جوداهیێ بكه‌ن و مه هه‌موو یاریزانان وه‌كو ئێك دهه‌ژمێرن و ده‌رفه‌تێ ده‌نه هه‌موو یاریزانا دا كو خوه پێشبێخن و مه یاریزان هه‌بووینه و پشكداری قاره‌مانیێن نیڤده‌وله‌تی كرینه ژئه‌گه‌رێ نه‌بوونا پشته‌ڤانیێ ده‌ست یاریا ته‌پا مێزێ به‌ردایه.
