عیراق: بودجێ سالا ٢٠٢١ دێ ب لەز ھێتە پەسەند کرن
ئەڤرو نیۆز:
ئەڤرۆ ئێکەشەمبی، ٦/١٢/٢٠٢٠ جێگرێ سەرۆک پەرلەمانێ ئیراقێ ڕاگەھاند، بودجا گشتی یا ئیراقێ دی بلەزتر ژ بودجێن سالێن بوری ھێتە پەسەندکرن.
حەسەن کەعبی جێگرێ سەرۆک پەرلەمانێ ئیراقێ د بەیاننامەکێ دا دووپاتکر، ئەڤ سالە ژ سالا بەرێ زویتر بودجا گشتی یا ئیراقێ دێ کەڤیتە بەر دەنگدانا جڤاتا نوونەرێن ئیراقێ و دێ ھێتە پەسەندکرن.
ھەروەسا دیارکر، کارێ وانا دبوجێ دا مسۆگەر کرنا بەلاڤکرنا پارەیە ل سەر ھەموو باژێران، دیسان بەرچاڤگرتنا وان باژێران یێن ھاتینە بێبەھرکرن.
جێگرێ سەرۆک پەرلەمانی ئاماژەدا و گۆت: بۆ ڤێ چەندێ دڤێت لیژنێن ھەرێمێ یێن پەرلەمانێ عیراقێ ل گەل لیژنێن دارایی سەرەدانا مەیدانی بۆ پارێزگەھان بکەن، داکو ژ نێزیک ئاگەھداری رێژا پێدڤیا ئێکەیێن ئیداری یێن وان دەڤەران ببن.