عەباس مۆسا: د قارەمانییەكا نێڤدەولەتی دا 70% ل سەر كیستێ خوە مەزاختی كرییە و بێ پشتەڤانی یە
هەرهین محەمەد:
داخویانیەكێ عەباس موسا راهێنەرێ تایكواندۆیێ یێ یانەیا زاخۆ بۆ ئەڤرۆ دبێژیت: یاریۆا تایكواندۆیێ یاریەكا جەنگیی یە و ب مفایە تایبەت ل وەلاتێن دەوروبەر مفا ژ ئەڤێ یاریێ دیتیە و ئەو كەسێ ب سالان ئەڤێ یاریی َدكەت دبیتە راهێنەر و پاشان دچیتە د ناڤ لەشكەری دا و مووچەكێ باش ژی وەردگریت ، لێ ل كوردستانێ چو گرنگی ب تایكواندۆیێ ناهێتە دان و یا هاتیە پشت گوه هاڤێتن بتنێ گرنگیێ ب دو یاریان ددەن و پشتەڤانیا ئەوان دهێتە كرن، لێ ل وەرزێ هاڤینێ زارۆك و گەنج گەلەك حەزژ تایكواندۆیێ دكەن و ب رێژەكا باش دهێن خوە فێری ئەڤێ یاریێ بكەن.
ناڤبری گۆتژی: چوویمە قارەمانییا قەتەرێ یا نێڤدەولەتی دگەل دو یاریزان و نێزیكی 70% مەزاختی ل سەر كیستێ مە بوویە و هەتا نوكە كەسێ پشتەڤانی ل مە نەكریە و بەری چەندەكێ یانەك یا تەپاپێی ب سەر كەفتی یە و هەریاریزانەكی پێنچ سەد هزار دینار داینێ و دبینم گەلەك جوداهی دهێتەكرن و نوكە ژی ئەم گەلەك دمژویلین ژبەركو مە گەلەك قارەمانیێن نافخۆیی و ژدەرڤە هەنە و ئەم یێن راهێنان و بەرهەڤێن خوە دكەین و حەزدكەم پشتەڤانی ل یارێن وەكو تایكواندۆیێ و خولێكدانكێ و جۆدۆیێ و هەتا، سەركەفتنا وان مسوگەرترە ژ یا تەپاپێی و راستە تەپاپێی یارییەكا مللیە و ئەز بخوە ژی حەز ژێكەرێ تەپا یێی مە، لێ بلا گرنگی ب یاریێن تاك ژی بهێتەكرن.
