عەبدولقەھار زاخۆیی و میرا عەلی دێ هندەک کارێن ھونەری پێکڤە ئەنجامدەن
سترانبێژێ گەنج میرا عەلی ددیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: بەری دەە سالان مە ئەلبووم چێدکرن و نوکە بووینە تراک و ئەو مەزاختیێ مرۆڤ ھەموویێ ل ئەلبوومەکێ دکەت ل سترانەکا خوەش بکەت پتر دەنگ ڤەدەت و باشترە و ژمێژەیە من سپرایزەک ل گەل ھونەرمەند عەبدولقھار زاخویی ھەیە بتنێ ھەلبژاتنا پەیڤان یا مای ئەو بخوە دێ نڤیسیت و مامۆستا ھەلکەوت دێ ئاواز دانەربیت.
ل دۆر نووترین کارێ خوە یێ ھونەری ناڤھاتی گۆت: بەری ھەیامەکێ من دو ستران بەلاڤکرن ئێک ژوان سترانا(تەژبیرناکەم) کو ژپەیڤێن ھونەرمەند عەبدوولقھار زاخۆیی و ئاواز ھەلکەوت زاھر و سترانا دووێ سترانەکا ھونەرمەند ئەیاز زاخولی یە سترانەکا تایبەتە ل سەر زاخۆ گوتیە بناڤێ(پشتیا چیایێ تەبێخری باژێرێ من زاخۆ شرین) و من چ گوھورین د سترانی َدانەکریە، بەلێ ب تەکنیکەک و مۆزیکەکا نوی ھاتیە چێکرن و من کریە دیاری بۆ زاخۆکا دەلال و نوکە ژی من ئامادەکاری بۆ سێ سترانان کریە و ئێک ژ ئەوان ب زاراڤێ سورانی یە و ئێک ب زاراڤێ بادینی یە و یا دی ب زمانێ عەرەبی یە و ھەردیسان من سترانەکا دیژی ھەیە ژپەیڤ و ئاوازێن ھونەرمەند عەبدولقھار زاخۆیی نە و ژڤانە ل نێزیک بھێنە بەلاڤکرن.
زێدەتر گۆت: مامۆستا ھەلکەوت قوتابخانەیەکا مەزنە لنک من و من ل نک ئەوی دەستپێکریە و ھەتا نوکە ژی یێ بەردەوامم و ھەرقوتابیەکَ بھێتە نک مامۆستا ھلکەفتی دبێژیتێ تویێ ئازادی و ھەردەمەکێ تە بڤێت تو دشی بچی ل گەل ھندەکێت دی کاربکەی، بەلێ دبێژیتێ دەمێ تو چووی و تو سەر نەکەفتی گازندەیان ژ من نەکە و مامۆستا ھلکەفتی چ کار ب قوتابێن خوە نینە و ھەتا نوکە ژی نەگوتیە چ کەسان وەرن دی َکارەکی بۆ ھەوە کەم و ھەتا نەگوتیە من ژی و ل سالا ٢٠٠٦ ل پرۆگرامەکێ ھەلبژارتنا دەنگان بناڤێ ستودیوی ئەستێران ل زاگروس تیڤی دھاتە پەخشکرن و دئەوی پرۆگرامی دا ماموستا ھەلکەفت سەرۆک لژنە بۆ ل ئەوی دەمی بوومە کەسێ دووێ ئەوی گۆتە من ئەز دێ بۆ تە کارەکێ کەم و ئەڤە بۆ دەمێ نوزدە سالایە ئەز قوتابیێ ئەوی و ل ئەوێ قوتابخانێ فێری گەلەک تشتێن باش بووم و بەری سالەکێ ژی پرۆگرامی َکوردستان ستار ھەرگرێدای ھەلبژارتنا دەنگان بووم ل ئەوی دەمی ئەز لژنە بووم و ھەبوونا من د پرۆگرامی دا پشتەڤانی بۆ بۆ ئەوان گەنجێن دھێن دەنگێ خوە تاقی دکەن.
