عەرەبستان کار بۆ بهێزکرنا پێگەهێ خوە ل دەڤەرێ دکەت
بەرپرسەکێ وەزارەتا دەرڤە یا عەرەبستانێ سعوودیێ دیار کر، وان دەست ب بزاڤەکا مەزن یا کری دا ببنە ئالیێ هەری کاریگەر بۆ ب دووماهی ئینانا شەڕێ د ناڤبەرا رۆسیا و ئۆکرانیایێ دا، سەرۆکێ ئۆکرانیایێ بەری دو رۆژان سەرەدانا سعوودیێ کر و بەرپرسێن ئەمریکا ژی نها ل سعوودیێ نە، وەکو سعوودیێ وان دڤێت هەر دو ئالیان پتر نێزیکی هەڤدو بکەن دا شەڕ ب دووماهی بهێت.
چاڤدێرێن سیاسی ژی دیار دکەن، هەکە عەرەبستانا سعوودی بشێت وەکو ناڤبژیڤان رۆلەکا کاریگەر بگێریت و دانوستاندن ل وەلاتێ وان بهێنە کرن ئەو یەک دێ بیتە ئەگەرێ بهێزبوونا پێگەهێ سعوودیێ و عەرەبستان دێ سەرێ ژ تورکیا وەرگریت، چونکی بەری نها تورکیا دخواست ئەو کۆمبوونە ل ئەنقەرە بهێنە کرن، لێ نها دیارە دێ ل سعوودیێ هێنە کرن و ئەو یەک ژی ژ بۆ بهێزکرنا پێگەهێ سیاسی یێ وی وەلاتی گەلەک گرنگە.
