عەرەفات حەجی: رێژەیا راهێنەر و یاریزانێن تایكواندۆیێ ژ هەموو یاریێن دی زێدەترن
هەرهین محەمەد:
دا خویانیەكێ دا عەرەفات حەجی راهێنەرێ یارییا تایكواندۆیێ ل یانەیا دهۆك بۆ رۆژنامەیا ئەڤرۆ گۆت: یارییا تایكواندۆیێ یارییەكا جەنگی یە و دهێتە هژمارتن ژ یاریێن ئۆلمپی و راهێنەر و یاریزانێن وێ ژ هەر یاریەكا دی پترن و هەردیسان كەفتن و برینداربوویێن ئەوێ ژی ژیاریێن دی كێمتر، لێ مخابنی ل دهۆكێ گرنگیدان بڤێ یاریێ یا كێمە، مە یاریزان و راهێنەرێن خودان شیان هەنە ل سەر ئاستێ ئیراقێ، بتنێ گرنگی ب دو یاریان دهێتەدان تەپاپێی و باسكێت بول، ژمفایێن وێ شیانێن جەستەیی و باوەری ب خوە بوون و ژلایێ مادی و مەعنەوی ڤە و دیسان بەرەڤانیكرن ژ خوە ل هەردەمەكێ پێدڤی دا.
ناڤهاتی ئەوچەندە ژی گۆت: پێدڤی حكومەت و جهێن پەیوەندیدار پشتەڤانیێ ل یاریزان و راهێنەرێن تایكواندۆیێ بكەن داكو پێشبێخن هەروەكو یاریێن دی گرنگی پێ بهێتەدان و داخوازییا مە یا سەرەكی ژلایێ مادی ڤە دگەل مە هاریكاربن پێخەمەت ب گەهینە ئاستێن بلند.
