عەرەفات کەرەم: بەغدا ب فەرمی دەربارەی ریفراندۆمێ دێ هێتە ئاگەهدارکرن……. ئەڤ سالە ریفراندۆم ل هەرێمێ دێ هێتە ئەنجامدان.
ئەڤرۆ نیۆز،زنار تۆڤی:
سەرۆکێ فراکسیۆنا پارتی دیموکراتی کوردستان ل ئەنجۆمەنی نوونەرێن عێراقێ ئاماژێ ب پرسا ریفراندۆمێ دکەت و رادگەهینیت:رەنگە بەغدا ب فەرمی ل سەر ڤێ پرسێ بهێتە ئاگەهدارکرن.
عەرەفات کەرەم بۆ باسنیۆز گۆتیە:دڤێت هەموو پارتێن کوردستانی بۆچوونا خوە ل سەر ریفراندۆمێ بکەنە ئێک و ب ئێک ھەلویست بچنە بەغدا بۆ هندێ ل وێرێ ب فەرمی پرسا ریفراندۆمێ بهێتە بەحسکرن،هەر لایەنەکێ پشکداریێ ژی دکەت،دێ نوونەرێ خوە بۆ بەغدا دیارکەت،ئەوێ پشکداریێ نەکەت،دڤێت ب فەرمی بێژیتە مە ئەم پشکداریێ ناکەین،بۆ هندێ کو ئەم بێژینە خەلکێ کورستانێ فلان لایەن ل گەل سەربەخۆیا کوردستانێ نینە،بەلکو ل گەل عێراقا ئێکگرتییە،لەورا دڤێت ل ناڤ کوردستانێ هەموو حزب بەرسڤا فەرمی ل سەر پرسا ریفراندۆمێ ب نڤێسن و ئەو نڤێسین ژێ بهێتە وەرگرتن،کا ل گەلدانە یان نە؟.
ئەو ژی گۆت:هەر چەند گفتوگۆیێن ڕیفراندۆمێ بهێنە گیروکرن، ئەڤە د بەرژەوەندا هەرێما کوردستانێ دا نینە، چونکی ھەلبژاردن دێ نێزیک بن،ل وی دەمی چ لایەنەکێ دەرەکی ئامادە نابیت کو شەقامێ عەرەبی ژ خوە توڕە بکەت ژبەر خاترا کوردان،لەورا چەند زوو بەغدا بهێتە ئاگەهدارکرن هەر درەنگە، چونکی شیعە و سوننە ژبەر پرسا هەلبژاتنا، نەوێرن دانپێدانێ ب ڕیفراندۆمێ بکەن، ب تایبەتی شیعەیا کو دبێژن ئەڤە 14 سالە ئەم حوکمی دکەین،چاوا ل سەر حوکمێ مە عێراق دێ پارچە پارچە بیت؟.
