عەشق

‎ناجح بێجانی

‎د پاییزەكا درەنگ وسەرمایی دا
‎ ل تە دگەڕیام؛
دا
‎هیڤیێن وێ عەشقا بەرزەبووی
‎ڤەگەڕینم..
دناڤ بەلگێن وەریای
و زەر پێتی دا تە ب بینم..
‎ئەو عەشقا ئەز پێ سەرخۆش
و مەست بوویم
‎هەمبێز بكم،
‎پارزینكێن هیڤیێن خۆ یێن تە
‎جارەكا دی كۆمڤەبكم،
‎ بیرهاتنێن وان ڕۆژیێن مە پێكڤە بۆراندن
‎بیر بینم،
‎وەرە ئەز بۆ تە ئەڤیندارەكێ
‎بێ ژڤانم،
‎ ل بەندا تە
دمینم،
‎هەڕۆ سپێدێ بەری رۆژهەلاتنێ
‎كو جارەكا دی
‎سۆزا خۆ دوبارەبكم،
‎ئەز ژ بۆ تە و تو ژ بۆ من،
‎داكو وان هیڤیێن چەندین سالان بجهبینم،
‎تو ژبۆ من سیناهییا ئەوان چاڤانی،
‎یێن كو هیشتا رۆژەكێ بێ ڕۆندك نەماین،
‎دناڤبەرا من وتە دا،
‎چ پێژان
و ژڤان نینن،
‎چ دخوازی،
‎ژمن ڕا بێژە
‎ب دلسۆزی،
‎ئەز ژ بۆ تە و تو ژ بۆ من،
‎لەوما هیڤیین مە
‎یێن تەڤلیهەڤبووین،
‎هیڤیێن دو عاشقا ب بنە ئێك، نا بنە دو
هەر دێ بن ئێك،
‎دلێن سالان داینە هەڤ
‎نابنە دو
‎هەر دێ بن ئێك،
‎دلێن من و تە تەڤ برینن
‎ژبۆ ئێكودو ئەو دەرمانین،
خۆڕاگربە و
‎ب مەزنایی وخۆبایی
نابت عەشق.

کۆمێنتا تە