عەلی حسێن: بێ وەفاییا هندەك ڕاهێنەران غەدر ل هەلبژارتیێ دهۆكێ هاتە كرن
شاهۆ فەرید
د داخویانیەكێ دا عەلی حسێن سەرۆكێ فدراسیۆنا لەشجوانییا پارێزگەها دهۆكێ بۆ رۆژنامەیا ئەڤرۆ دیاركر: پشكداریا هەر چار هەلبژارتیێن دهۆك، هەولێر، سلێمانی و هەلەبچە قارەمانییا كوردستانێ ل سەر ئاستێ هەلبژارتیێن پارێزگەهان بۆ ماوەیێ دو رۆژان ل ئیدارەیا سەربەخوەیا زاخۆ هاتبوو ئەنجامدان، ئەو یاریزانێن پشكدار ل سەر ئاستێ بۆدی یولدینك هەڤڕكی دكرن كو تێدا 40 یاریزانان پشكداری كربوو ل سەرانسەری هەرێما كوردستانێ، دەرئەنجامێ وێ هەلبژارتیێ هەولێرا پایتەخت رێزا ئێكێ هات ل دووڤ دا سلێمانیێ رێزا دویێ و دهۆك رێزا سێی و حەلەپچە رێزا چارێ ل دووڤ ئێك هاتن.
زێدەتر ناڤهاتی گۆت ژی: ئەگەرێ ئەنجامێن لاواز یێن هەلبژارتیێ دهۆكێ ژبەر خوەڤەكێشانا شەش یاریزان بوو، ژبەركو هندەك ڕاهێنەران رێك ل یاریزانێن خوە نەدا بهێنە د ناڤ هەڤڕكییان دا و ئەڤە ژی كارتیكرن ل سەر ئامادەبوو و ئەنجامێن تیما مە كر، ب مخابنی ڤە ئەوانا هیچ وەفایەك بۆ بەرامبەری پارێزگەهێ و ناڤێ باژێرێ خوە نەبوویە، خیانەت ل هەلبژارتیێ مە هاتەكرن ژلایێ ڕاهێنەران ڤە.
هەروەسان عەلی حسێن گۆت: هەرچەندە مە ل پارێزگەها دهۆكێ باشترین یاریزانێن هەیین ل سەر ئاستێ ئیراقێ و دەرڤە و خودان ناسناڤ و دەستكەڤتن، لێ بێ رێزی یا وان ڕاهێنەران و ڤەكێشانا یاریزانێن خوە د دەمەكێ هەستیار و پێدڤی دا و رێگرتن و خوەڤەكێشان ژ هەلبژارتیێ پارێزگەهێ بۆ ئەگەر ئەو سەنگ و هێزا هەلبژارتیێ دهۆكێ د ڤێ قارەمانیێ ژ دەست بدەت و ئەنجامێ لاواز دەست مەڤە هاتن، بەری قارەمانیێ گەشبینی هەبوو كو یاریزانێن مە دێ بنە قارەمان و هەلبژارتیێ دهۆكێ یێن ئێكێ بیت، لێ مخابن ئەوا هاتییە كرن مێژوویەكا خرابە و نە جوان بوو دەرهەقێ وەرزشا لەشجوانیێ و هەلبژاتیێ پارێزگەهێ دا.
