عەلی حسێن: د هەڤڕكیێن مستر یۆنیڤێرس دا یاریزانێن مە ئەنجامێن دلخوەشكەر ب دەستڤە ئینان
د داخویانیەكێ دا ئەندامێ فیدراسیۆنا لەش جوانییا پارێزگەها دهۆكێ بۆ رۆژنامەیا ئەڤرۆ دیار كر ئەنجامێن هەرسێ یاریزانێن مە یێن پشكدار د قارەمانییا مستەر یۆنڤێرس بۆ سیستەمێن جودا جهێ دلخوەشیێ بووینە ئەوا هەڤڕكیێن وێ ب پشكدارییا 13 وەلاتان ل باژێرێ سلێمانیێ هاتیە كرن.
زێدەتر عەلی حسێن گۆت: هەر ئێك ژ دەلال حسێن حەسەن بەرنیاس جەمال هەمزانی شیا ناسناڤێ پرۆ كارت ل سەر ئاستێ ماستەرێ ب دەستخوەڤە بینت، بێوار لەزگین حەسەن بۆ كێشا باجی بۆلدینگ رێزا دویێ دەستڤە ئینا و سعود دۆسكی ل سەر ئاستێ ماستەرێ رێزا چارێ ب دەستڤە ئینا، ئەڤ ئەنجامە جهێ دەستخوەشیێ نە بۆ پارێزگەها دهۆكێ و كوردستانێ ژبەركو كۆمەكا مەزن یا یاریزانێن خودان شیان ژ هەلبژارتیێن پشكدار هەڤڕكی دكر كو دهێتە هژمارتن ئەڤ قارەمانییە یا نێڤدەولی یە و ل هەر سال وەلاتەكێ جیهانێ مێڤاندارییا وێ دكەت دیسان دهێتە هژمارتن ئێك ژ قارەمانیێن سەنگا خوە هەیی ژبەركو ئەڤە 50 سالە بەردەوام بۆ كێشێن بادی بۆلدینگ، ڤیزیك، كلاسیك و جۆنیۆر دهێنە ئەنجامدان.
ژلایەكێ دیڤە ناڤهاتی ئەوچەندە ژی گۆت: ب هەبوونا بەرنامە و كارێن رێكخستی یێن فیدراسیۆنا لەشجوانییا پارێزگەها دهۆكێ هەردەم بزاڤ دهێنە كرن ئاستێ ڤێ یاریێ پێشڤە بچیت و بەردەوام گرنگیێ ب ئاستێ یاریزانان و راهێنەرێن خودان باوەرنامە بدەن و گەشبینن ل سەر ئەوێ پلانێ بشێن ب گەهینە ئارمانجا خوە ئەو ژی پێشئێخستنا ڤێ یاریێ یە.