عەلی عاشقی وەسیەتا خوە گوت ، بزانە چ گوتیە؟
ئەڤرۆ نیوز ، نەوزاد ھلۆری:
عەلی عاشق کو ب ئەڤیندارێ چەرچێ ٢١ێ ژی دھێتە نیاسین گەلەک حەش کچەکێ دکر و بەرامبەر ژی دا ئەوێ کچێ ژی گەلەک حەش وی دکر ، بەلێ ھندەک کەس بونە رێگر کو ئەو ھەردوو ب ئەڤینا خوە نەگەھن ، ژ وێ روژێ ھەتا نھا عەلی عاشق ب تنێ دژیت ل گەلیێ عەلی بەگ و دنھادا ب رێیا وەسیەتەکێ دخوازیت ئەگەر مر ل گورستانا شێخ حەسەن بەسری بھێتە ڤەشارتن.
عەلی عاشق بو ئەڤرۆ نیوز گۆت: (ئەڤە نێزیکێ ٦٠ سالایە ئەز بتنێ ل خانویەکێ داد ژیم ژبەرکو ھندەک کەسان نەھێلا ئەز ب ئەڤینا خوە بگەھم و پشتی وێ ئێدی ژیانێ چوو رامان لدەف من نینە ، و سوپاس بو نێچیرڤان بارزانی کو خانویەک بو من ل گەلیێ عەلی بەگ چێکری ، بەلێ چوو تشت دلی َمن خوەش ناکەن دویری ئەڤینا من )
عەلی عاشق کو نھا ب سالڤەچوویە و ژیێ وی گەھشتیە نێزیکێ ٨٠ سالان دخوازە ئەگەر بمریت ئەوی ل گورستانا شێخ حەسەن بەسری ڤەشێرن و گۆت ژی: ( گورستانا شێخ حەسەن بەسری کو دکەڤیتە گوندێ باپشتیان ل سنوورێ قەزا سوران دخوازم من ل وێرێ ڤەشێرن و ل ئایندە گورێ من ژی ببیتە پەناگەھەک بو ئاشقان و بەردەوام سەرەدانا گورێ من بکەن)
عەلی عاشق کو ناڤێ وی یێ درۆست عەلی عەبدوللا شێخە ل گوندێ سرێشمە یا سەر ب ناحیا خەلیفان ل سنوورێ قەزا سوران ژ دایک بوویە و سووند خواریە کو ھەتا مرنێ چوو ژنان نەئینیت و چاڤەرێ ئەڤینا خوە بکەت و ماوەیێ دوو سالایە نێچیرڤان بارزانی خانویەکێ رێک و پێک ل گەلیی َعەلی بەگ درۆستکریە و سالانە ھژمارەکا زور یا گەنجان ب تایبەتی ئاشقان و خودان دەزگران سەرەدانێ بو دکەن.
