عەمر بۆری
سەیفوللا محەمەد
خەندەیا خوەش قەندەیا پڕ قەشەنگی
قەشەنگا شانە هەنگا پڕ چەلەنگی
ڕوی ب ڕوی ئەز خوەش دكم پەسنا تە یار
نێ هەر پەسنا بكم ئەز تو چەڤەنگی
بەژن و بالا وەكو ئالا كەسك و سۆر
قەت جوانی من نە دیبوون بڤی ڕەنگی
جوانی نازك و ڕند و بەدەوی
خەمل و خێلا خاتینا بناڤ و دەنگی
كەنێ شیرین شیرینتر ژ گەز و قەند
نێ د زانم چ گەز و شانە هەنگ
بچاڤ و بریان تە ئیشارەت دانە من
من د زانی د گەل من تو ب جەنگی
گۆت ل جەنگان جان ل سەر دەستان نەبت
سەرناكەڤی گەر تو ڕوس یان فەڕەنگی
من گۆت قوربان جان و دل من دانە پێش
تو ب تیر و هەم ب شیر و خەدەنگی
لێ ب وژدان تو بنێرە عاشقان
د عەشقێدە هەر تو پێش و پێشەنگی
من گۆت بەسە بلا جەنگ بێت ب داوی
عەمر بۆری ل مە بوویە درەنگی
