غاندى و بارزانى 16 تهباخی ل ههوه پیرۆز
تهیار عادل گۆران
پیرۆزترین رۆژ ل دهف وهلاتیهكێ هندى رۆژا 15 و 16 ى تهباخێ یه، چونكى رۆژا سهرخوهبوونا هندستانێ یه. 16 تهباخێ رۆژا خهونا بوونا ئێك ملیار و 400 ملیۆن كهسان و خهونا ههردو سهركردهیان هندستانێ مهاتما غاندى و جهواهیر لال نههرۆ بی كو ل وى رۆژى سالا 1947 هاته بجهئینان. چ رێككهفتهكا سهیره سالهك بهرى رۆژا سهرخوهبوونا هندستانێ ل 16 تهباخا سالا 1946 ل سهر دهستى سهركردهیى نهتهوهیا كورد مهلا مستهفا بارزانى پارتى دیمۆكراتى كوردستان هاته دامهزراندن بۆ ئارمانجا ئازادكرن و سهربهخوهیا كوردستانێ. بهرى خوه بدهنه دیرۆك و رۆژانین بهرى نها چ رێككهفتنێن سهیر د ناڤبهرا دو گهلین بندهست مینا كورد و هندیان چێدكهت. ئهو شیا ئازادیا خوه بدهست بینیت، چونكى ل وى وهختى هندستان ب تنێ دوژمنهك ههبی ئهوژی حوكمهتا ئنگلیز بی كو خاكا وان داگیر كربی ل گهلى كوردستانێ ل وى دهمى حهتا نوكه خودانێن دههان دوژمنێن ناڤخوهیى و دهرهكى یه. تشتێ ژ ههمیان سهیرتر ئهوه ههر دهما ئهز چیرۆكا سهركردێ نهتهوا هندستانێ مهاتما غاندى دخوینم، ئێكسهر مهلا مستهفا بارزانى دهێته بیرا من، ئهز دبینم گهلهك خالێن ههڤپشك دناڤبهرا وان ههردو سهركردهیان دا ههبوویه، مینا حهزژێكرنا گهلێ خوه، هاریكارى كرنا ههژاران، چهسپاندنا عهدالهتێ، خهونا سهرخوهبوون و رزگاربوون ژ بندهستیێ. خالێن جودا ئهوه كو غاندى ب سهرخوهبوونا مللهتێ خوه دیت و ب ئارامى چوو دنیایهكا دی، لێ جهێ داخێ یه بارزانیێ نهمر سهرخوهبوونا كوردستانێ نهدیت. غاندى چ كورك ل دووڤ خوه نههێلا تێكۆشانێ بۆ هندستانێ بكهت، لێ بارزانى سهركردهیهك وهكى خوه بۆ مللهتى ل دووڤ خوه هێلا كو حهتا نوكه تێكۆشینان بۆ سهرخوهبوونا كوردستانێ دكهت. ئهز باوهرم رۆژهك دهێت ئهمژى وێ رۆژى دبینین ب چاڤین خوه و جهژنا سهرخوهبوونا كوردستانێ دگێڕین و خهونا بارزانیێ نهمر دهێته دى مینا مهاتما غاندی. تشتێ ژ ههمیان سهیرتر چار ساله ل سهرئێك برێككهفت ئهز ل رۆژا 16 تهباخێ ل هندستانێ دبم، بۆرینا دهمی ل وێ رۆژى بۆ كوردهكى خۆشى و نهخۆشیا خوه ههیه خۆشى ئهوه كو تو ههست ب ههبوونا ئازادیا مللهتهكێ بهلهنگاز و خودان بیر و هزرا وهكى هندیان دكهى و نهخۆشى ئهوه ههر سال ل وێ رۆژى خهونا سهرخوهبوونا مللهتى من پتر من دئێشیت كو نزانم كهنگى دهێته دی.
