غه‌ریبم ..غه‌ریب
ئیسماعیل سلێمان هاجانی
من ئه‌ڤ شه‌ڤه ئه‌تلس ڤه‌كر، گه‌ردوون سه‌رئێك و بن ئێك كر، ل هه‌ر حه‌فت كێشوه‌ران مێزه‌كر، گوند ..گوند،باژار.. باژار گه‌ریام ، چیا و گه‌لی و نهال بهۆست ..بهۆست تێكڤه‌دان. لێ من نه‌دیت مام گۆگل ب من كه‌نی و گۆت:
_ دۆستۆ تو ل چ دگه‌ڕی؟. دزانم ل هنده‌ك كێلیكێن ده‌مێ بۆری دگه‌ڕی، لێ تو نابینی. ها بۆ ته ملیاره‌ك ژ سالان تێر بژی.
من پاتكا خوه خوه‌راند و گۆت: نا. من تنێ دڤێت دیسان قه‌ته‌كی سێڤا خوه د پۆلێ دا بدمه وێ و ئه‌و ژی هنده‌ك كێكا خوه ب دته من. ب دزی ڤه بچمه سه‌ر ته‌نه‌كه‌كێ و د سه‌ر دیواری را ل حه‌وشێ ل وێ بنێرم، من دڤێت جاره‌كا دی بچمه ناڤ بیستانێ وان هاری چنینێ بكم. دیسان ببمه مامك و هه‌لامه‌ت چویچكا ژ زیانا ب ڕه‌ڤینم، من هێژ تێر هێسك نه‌كریه، ما نابت جاره‌كا دی خوه فێركمه ریهتڕاشینێ بلا ئه‌رزنكا خوه خوینه‌لۆ بكم. من دڤێت دیسان بزڤرمه مه‌مله‌كه‌تا خوه یا جاران، نزانم ل كیڤه‌یه..؟. فیزێ چاوا ددن؟ ل كیش گه‌راجی سواردبن؟
بخێرا مریێن خوه رێكێ نیشا من بدن.
غه‌ریبم..غه‌ریب.
