فازل میرانی پێشوازی ل سه‌رۆكی لژنا پارئولمپی یا كوردستانێ و شاندێ د گه‌ل دا كر
ئه‌ڤرۆ:
فازل میرانی، سكرتێرێ مه‌كته‌با سیاسی یا پارتی دوهی 19/9/2021 ل باره‌گایێ مه‌كته‌با سیاسی پێشوازی ل زاهر ره‌شید، سه‌رۆكی لژنا پارئولمپی یا كوردستانێ و شاندێ د گه‌ل دا كو پێكهاتبوون ژ كۆڤان حه‌سه‌ن، یاریكه‌رێ خودان پێدڤیێن تایبه‌ت و هه‌لگرێ میدالیا زێری ل ئۆلمپیادێن سالا 2016 ل (ریودۆجانیرۆ) و مامۆستایێ راهێنه‌ر ره‌عه‌د كر.
سكرتێرێ مه‌كته‌با سیاسی یا پارتی ب خێرهاتنا وان كر و ده‌ستخۆشی ل قاره‌مان و په‌هله‌وانێ وه‌رزشی كۆڤان حه‌سه‌ن كر ب هه‌لكه‌فتا سه‌ركه‌فتنێن وی و ب ده‌ستڤه‌ئینانا میدالیا زێری و گۆت: “جهێ شانازیێ یه بۆ مه كوردان كو خودان پێدڤیه‌كێ تایبه‌ت بشێت ڤان سه‌ركه‌فتن و ده‌ستكه‌فتان ب ده‌ستخوه‌ڤه بینیت”.
میرانی به‌حسی گرنگیا وه‌رزشێ و رۆلێ وێ د دانه‌نیاسینا گه‌لان دا ب ئێكدو كر كو وه‌رزشڤانێن كورد ژی ناڤ و ئالایێ كوردستانێ ل جیهانێ بلند دكه‌ن، له‌و گرنگه پتر پشته‌ڤانیا وان د داهاتی دا بهێته كرن.
ژ لایێ خوه‌ڤه سه‌رۆكی لژنا پارئولمپی یا كوردستانێ سوپاسیا مه‌كته‌با سیاسی كر بۆ وێ پێشوازی و رێزلێنانێ یا ل وان هاتیه كرن و ب كورتی به‌حسێ كار و چالاكیێن لژنا پارئولمپی یا كوردستانێ كر و ئاماژه ب ئاریشه و گرفتێن وان كر ب تایبه‌تی پشتی به‌لاڤبوونا ڤایرۆسێ كۆرۆنایێ.
راگه‌یاندنی م.س
