فتارێ ب ئەڤان خوارنان بکە!
ئەڤرۆ نیۆز،زنار تۆڤی:
ل گەل هاتنا هەیڤا ره‌مه‌زانێ پسپۆرێن وارێ ساخلەمیێ ئامۆژگاریان ددەنە رۆژیگران کو خوارنێن ساخلەم بخۆن،بۆ هندێ کو د هاریکار بن بۆ لەشی و قەرەبوویا وان ماددان بکەن،یێن کو د دەمێ رۆژیگرتنێ دا کێم دبن.
باشترین جۆرێن خوارنێ کو بۆ لەشێ مرۆڤی د ساخلەمن و پێدڤیە د دەمێ فتارێ دا مرۆڤ بخۆت،ئەو ژی ئەڤەنە.
1.کەسکاتی: ب‌تایبه‌تى ئه‌وێن ده‌وڵه‌مه‌ند ب ئاڤێ وه‌ك(خیاری و خەسێ)، چونكی دەمێ مرۆڤ یێ ب رۆژی بیت ئاڤ ژ لەشی کێم دبیت،لەورا ئەڤە دێ قەرەبوویا ڤێ چەندێ کەن.
2-شۆربە:ژێدەرەکێ گرنگه بۆ قه‌ره‌بوكرنا ئاڤا له‌شی، ئه‌ڤە سه‌ره‌راى هندێ کو ب خوارنا سڤک ژی دهێتە دانان، گەدێ ئازار نادەت ل دەمێ هەرسکرنێدا.
3.خورمە:یا ده‌وڵه‌مه‌نده ب ماددێن مه‌گنیسیۆم، كالسیۆم، پۆتاسیۆمی و هه‌روه‌ها ڤیتامین B1-B2 کو یارمه‌تیدەرە بۆ به‌خشینا وزێ بۆ ماسولکێن له‌شی.
4.ماست: یێ ده‌وڵه‌مه‌نده ب ماددێ كالسیۆمی و پرۆتینی،ئێکە ژ وان خوارنێن به‌كتریایی کو یێ ب مفایە بۆ ئەندامێ هه‌رسکرنێ.
5.فێقی: یارمه‌تیده‌ره بۆ رێكخستنا سیسته‌مێ له‌شی، ب‌تایبه‌تى (شوتى و ئه‌ناناس و پرته‌قال).
هەروەسا ڤەخوارنا ئاڤێ ژی، دبیتە هۆكارەکێ سه‌ره‌كى، بۆ قه‌ره‌بووکرنا رێژەیا وێ ئاڤا کو ل دەمێ رۆژیگرتنێ دا دناڤ لەشی دا کێم دبیت.
