فدراسیۆنا فوتبۆلا رۆژئاڤا یا كوردستانێ بوو ئەنداما كۆنیفا
فدراسیۆنا فوتبۆلا جیهانێ بۆ هەرێمان كۆنیفا ب فەرمی دانپێدان ب هەلبژارتیێ رۆژئاڤا كوردستانێ كر و فدارسیۆنا وان وەكو ئەنداما كۆنیفایێ ڕاگەهاند.
ل دووڤ ژێدەرێن رۆژنامەڤانی دوهی نڤێسارەكا فەرمی بۆ فدراسیۆنا فوتبۆلا رۆژئاڤا كوردستانێ تێدا ب فەرمی دانپێدان ب فدراسیۆنێ كرییە و خواستییە بۆ قارەمانییا داهاتی یا مۆندیالا هەرێمان پشكدار بیت ئەوا دهێتە چاڤەڕێ كرن هەولێرا پایتەخت مێڤاندارییا وێ بكەت.
ل دووڤ ڕێنڤیسا فدراسیۆنا كۆنیفایێ هاتییە: ئەم شانازیێ دكەین كو ئەندامەكا دی دناڤ هەیكلەلێ مە دا زێدەبوویە، هاتنا وان دێ هێزەكا دی دەتە چالاكیێن مە و قەوارێ فدراسیۆنا هەرێمان بەرفرەهتر لێكەت، بۆ مۆندیالا داهاتی مافێ هەیی پشكداریێ بكەن، وەرزش زمانێ ئاستی، ئازادییە بۆن اسنادنا مرۆڤ و كولتوورێن هەموو جیهانێ.
بۆ زانین فدراسیۆنا هەرێمان بۆ چەندین سالە مۆندیالا جیهانێ ڕێكئێخستییە، هەلبژارتیێ كوردستانێ ل 2012ێ ئێكەم پشكداری كرییە، بڕیاربوو ل سالا بۆری مۆندیال ل هەرێما كوردستانێ هاتبا كرن لێ ژبەر بارودۆخێ دەڤەرا رۆژهەلات هاتییە پاشئێخستن و دبیت رۆژێن بهێت دا ژڤانەكێ دی بهێتە دانان.
