فراكسیۆنا پارتی: ل بەغدا دێ د سەنگەرێ بەڕەڤانیكرن ژ مافێن گەلـێ كوردستانـێ دا بین
ئەندامێن فراكسیۆنا پارتی ل پەرلەمانێ ئیراقێ، ب سەرۆكایەتیا دكتۆر شاخەوان عەبدوللا، سەرۆكێ فراكسیۆنا پارتی سەرەدانا مەزارێ نەمران ل بارزان كر.
دكتۆر شاخەوان عەبدوللا، سەرۆكێ فراكسیۆنا پارتی ل پەرلەمانێ ئیراقێ ل سەر مەزارێ نەمران گۆت: «مە وەكو پەرلەمانتارێن پارتی ل پەرلەمانێ ئیراقێ سەرەدانا مەزارێ نەمران ل بارزان كر و سۆز و پەیمان بۆ رێبازا وان نووكرنەڤە».
گۆت ژی: «فراكسیۆنا پارتی ب توندی ئەو هێرشێن تیرۆریستی شەرمەزار كرن، یێن ل ڤێ دووماهیێ دهێنە سەر هەرێما كوردستانێ، ئەڤ هێرشە نیشانا لاوازییا دوژمنانە و ب چو رەنگان نەشێن ئیرادەیا گەلێ مە و قەوارێ هەرێمێ بهەژینن».
پەرلەمانتارێن پارتی دوپات كر كو ل بەغدا دێ بەردەوام بن وەكو سەنگەرەكێ ب هێز بۆ بەرەڤانیكردن ژ مافێن دستووری یێن خەلكێ كوردستانێ و دێ ب هەموو هێزا خۆ رووبرووی هەر پیلانەكێ بن، كو ئارامی و سەقامگیریا هەرێمێ بكەتە ئارمانج.
