فرانس فوتبۆل بەربژارێن وەرگرتنا ناسناڤێ تەپا زێری ئاشکرا کرن
ئەڤرۆ نیوز ، زنار تۆڤی :
گۆڤارا فرانس فوتبۆل یا فرنسی کو سالانە خەلاتێ تەپا زێری دابەش دکەت،ناڤێ چەند یاریزانان بەلاڤکریە کو ل سالا ٢٠١٨ بەربژارن بۆ برنا تەپا زێری.
وێ گۆڤارێ ئاشکرا کریە ، کو رۆنالدۆ بەربژارێ سەرەکیە بۆ هندێ کو تەپا زێری ببەت.
وێ گۆڤارێ پشتی رۆنالدۆی محەمەد سەلاح بەربژارکریە ، هەکە د مۆندیالێ دا ئاستەکێ بلند پێشکێش بکەت ، دێ وەک هەڤرکەکێ بهێز مینیت ، پشتی وی میسی ژی بەربژارەکێ دیترە و جاما جیهانی دەرفەتەکا باشە بۆ وی یاریزانی.
هەروەسا هەر ئێک ژ نەیماری و مباپی و گریزمانی و هاری کەین و دی برۆین ، لدووڤ ئەنجامێن هەڵبژارتیێن وان د مۆندیالێ دا دەلیڤا برنا ڤی ناسناڤی هەیە ، هەروەسا رامۆسێ کاپتنێ هەلبژارتیێ ئیسپانیا بەربژارەکێ دیترە ، هەکە هات و ئیسپانیا مۆندیال بر دێ وی دەلیڤا ب دەست ڤەبرنا تەپا زێرین هەبیت.