فراکسیۆنا پارتی دانا چەکی ب پەرلەمانتاران رەتدکەت
ئەڤرۆ نیوز،زنار تۆڤی:
سکرتێرێ پەرلەمانێ کوردستانێ نڤێسینەک دایە وەزارەتا پێشمەرگەی کو ئیمزایا وی ل سەرە داخواز ژێ کریە کو ب بۆھایێ نیڤ ملیۆن دولاران 111 کلاشینکوف و 111 دەبانجەیان بدەنە پەرلەمانتەرێن کوردستانێ و وەزارەتا پێشمەرگەی ژی ئەڤ داخوازکریە قەبوولکریە.
لەورا ئەڤرۆ 14ى تيرمه‌ها 2015ێ فراکسیۆنا پارتی ل پەرلەمانێ کوردستانێ کونفرانسەکێ رۆژنامەڤانی سەبارەت ڤی بابەتی ل بەر پەرلەمانی ئەنجام دا و سەرۆکێ فراکسیۆنا پارتی ل پەرلەمانێ کوردستانێ، ئومێد خوشناو، گۆت: “ئەڤە داخوازیا سکرتێرێ پەرلەمانی بوویە و کو ھەر پەرلەمانتارەک کلاشینکوفەکێ و دەبانجەکێ وەربگریت، لێ ئەم وەکو فراکسیونا پارتی ئەڤی بابەتی رەتدکەین، چونکو پەرلەمانتار پێدڤی ب کلاشینکوف و دەبانجەیان نابن و ئەم ناخوازین وەکو پەرلەمانتارێن پارتی چ کلاشینکوف و دەبانجەیان وەربگرین”.