فره‌نسا بۆ ئالیێن سیاسی یێن ئیراقێ: له‌زێ د دانوستاندنێن ڕاسته‌قینه دا بكه‌ن
ئه‌ڤرۆ:
پشتی هوشداریا نه‌ته‌وێنئ ێكگرتی بۆ ئیراقێ، فره‌نسا ژی په‌یامه‌كا هۆشداریێ ئاراسته‌ی ئیراقێ كر و دبێژیت، له‌زێ د دانوستاندنێن ڕاسته‌قینه یێن بێ مه‌رج دا بكه‌ن.
كونسۆلخانه‌یا فره‌نسا ل هه‌ولێرێ هۆشداریا حوكمه‌تا فره‌نسا گه‌هانده ئیراقێ و راگه‌هاند، پشته‌ڤانیێ ل په‌یاما نه‌ته‌وێن ئێكگرتی دكه‌ین و پێدڤیه له‌زێ بكه‌ن د ئه‌نجامدانا دانوستاندنه‌كا ڕاسته‌قینه یا بێ مه‌رج دا”.
د په‌یاما فره‌نسا دا ئاماژه ب وێ چه‌ندێ ژی هاتیه كرن” ب دیتنا مه گه‌له‌ك یا گرنگه ده‌نگێ ئافره‌تێ و زه‌لامی ل جڤاكێ مه‌ده‌نی بهێته گۆهلێبوون، ب تایبه‌تی ده‌نگێ گه‌نجان كو پتریا ئاكنجیێن وه‌لاتی پێكدئینن و خواستا پاشه‌رۆژه‌كا باشتر دكه‌ن”.
د پشكه‌كا دی یا په‌یاما فره‌نسا دا هاتیه” ده‌م ل به‌رده‌م پاراستنا سه‌قامگیریا ئیراقێ و به‌رسڤدانا پێدڤی و خه‌ونێن شه‌رعی یێن گه‌لێ ئیراقێ یێ كێمه”.
