فروكێن توركیا سنورێ ناحیا شێلادزێ بوردومان دكه‌ن
ئه‌ڤرۆ نیوز , ئێقبال عومه‌ر:
ئه‌ڤرۆ فروكێن شه‌رى یێن توركیا سنورێ ناحیا شێلادزێ بوردومانكر ب تایبه‌تى چیایێ كوره‌ژارى ل هنداڤى باژێرێ شێلادزێ.
ئامه‌د دوسكى وه‌لاتیه‌كێ ئاكنجیێ شێلادزێ یه بو ئه‌ڤرو دا دیاركرن, (چه‌ندین وه‌لاتیێن شێلادزێ ب مه‌ره‌ما گیایێ بهارێ قه‌ستا چیایێ كوره‌ژارى كریه ل هنداڤى باژێرێ شێلادزێ و دهه‌مان ده‌مدا فروكێن توركیا چیایێ كوره‌ژارى بوردومانكریه له‌وما ژى ترس و له‌رزه‌كا مه‌زن ل ده‌ف كه‌سوكارێن وان وه‌لاتیا په‌یدا بوینه نزانن كا ئه‌و دساخن یان ژى بوینه ئارمانجا فروكێن توركیا و گوت: ئه‌ڤه سه‌رێ چه‌ندین سالانه فروكێن شه‌رى یێن توركیا ئاسمانێ شێلادزێ دبه‌زینن و هه‌مو گوند و ده‌ڤه‌رێن سه‌ر ب ناحیا شێلادزێ ڤه بوردومان دكه‌ن, و هه‌روه‌سا جهێن ئاڤه‌دان و جهێن گه‌شت و گوزارى ژى بوردومان دكه‌ن ئه‌ڤ یه‌ك ژى بویه جهێ دلگرانى یا مه هه‌مى خه‌لكێ ده‌ڤه‌رێ).
