فرۆکخانەکا نێڤدەولەتی دێ ل کەرکوکێ ھێتە چێکرن
ئەڤرۆ نیوز ،زنار تۆڤی :
پارێزگارێ کەرکووکێ ب وەکالەت راگەھاندیە کو دێ فرۆکخانەیەکا نێڤدەولەتی ل کەرکووکێ ھێتە دروست کرن و وان ژ کۆمپانیان خواستیە کو تەندەرێن خوە ژبۆ دەستپێکرنا کاری د دەمێ هەیڤەکێدا ئاراستە بکەن.
راکان سەعید پارێزگارێ کەرکووکێ ب وەکالەت د پرێسکۆنفرانسەکێ دا راگەھاندیە،کو حوکمەتا عێراقێ دەستووریا ئاڤاکرنا فرۆکخانەیەکا نێڤدەولەتی ژبۆ کەرکووکێ دایە و ل نێزیک دێ دەست ب کاری ھێتە کرن.
ناڤهاتی دیارکر ژی،ھەر کۆمپانیەکا دخوازیت کو پشکداریێ د ئاڤاکرنا فرۆکخانێ دا بکەت د شێت د دەمی هەیڤەکێ دا تەندەرێن خوە پێشکێش بکەت.
خویاکر ژی،دخوازن فرۆکخانەیا کەرکووکێ ب باشترین شێوە دروست بکەن و وان دڤێت باشترین خزمەتگۆزاری پێشکێشی خەلکێ کەرکووکێ بکەن.
