فرەنسا ئنگلتەرا و هۆلەندا دناڤبەرا دەربازبوونێ و ترسا سۆپرایزان دا
شاهۆ فەرید:
ئەڤرۆ ژی چاڤێ پشتەڤانێن وەرزشی ل سەرانسەری جیهانێ و ئۆرۆپا دێ بۆ دیتنا چار یاریێن دی یێن ب هێز و خوەشن ب ژڤان بن ئەوا تێدا چار هەلبژارتی دێ پلێتا دەربازبوونێ بۆ قوناغا 16ێ وەرگرتن، یاریێن ئەڤ شەڤە ژ چارچووڤەیێ قوناغا كۆما یا قارەمانیا نەتەوەیێن ئۆرۆپا 2024ێ ژ گەڕا سێیێ هێنە كرن كو بڕیارە دو یاریێن كۆما چارێ دەمژمێر حەفتێ مەغرەب و دو یاریێن كۆما سێیێ دەمژمێر 10ێ شەڤ بڤی شێوەیی بهێنە ئەنجامدان.
كۆما سێیێ: ئێنگلتەرا ـــــ سلۆڤینیا
سەرەرایی هەبوونا باشترین ستێرین د ناڤا پێكهاتێ وێ لێ هەلبژارتیێ ئنگلتەرا ئێكجاری ئاستەكێ خراب نیشاندایە سەرباری یا ل سەرێ لیسێ ب چار خالان لێ كۆما وێ هەلبژارتیێن هێزا وی نینە، یارییا ئەڤشەڤە دگەل سلۆڤینیا دەلیڤەیە بۆ ئاشتكرنا جەماوەرێ خوە و پاراستنا سەرێ لیستێ، لێ سلۆڤینیا هەڤڕكەكا ب سانەهی نابیت ئەوا دو خال هەین رێزا سێیێ و دەلیڤە دەربازبوونێ ژی یا مایی هەكە سەركەڤت دێ چیتە سەرێ لیستێ و خوە گەهینتە قوناغا دووڤدا.
دانیمارك ــــــ سربیا
یارییا دویێ یا ڤێ كۆمێ هەلبژارتیێ دانیمارك هەڤركا ئێكسەر بەرانبەر سلوڤینا و ئنگلتەرا، لەوما بۆ یارییا ئەڤ شەڤە پێدڤی ب سەركەفتیێ بەرانبەر سربیا ژبۆ گەهاندنا ئارمانجا خوە، لێ خوسارەتییا سلوڤینا و سەركەفتنا وێ دێ بنە چار خال و هێتە رێزا دویێ و دەربازبیتە قوناغا دووڤ دا.
كۆما چارێ: هۆلەندا ــــ نەمسا
د یارییا ئەڤ شەڤە دا هەلبژارتیێ هۆلەندا نە چارە هەمی هێزا خوە ب كارئینن بۆ پاراستنا سەرێ لیستێ ئەركێ وێ ساناهی نابیت ئەوا چار خال كۆمكریم، سەركەفتن تنێ خزمەتا وێ تا دەربازبیتە قۆناغا 16ێ، هەلبژارتیێ نەمسا خودانا رێزا سێیێ ب سێ خالان هیڤیێن هەین ب گەهینە قۆناغا 16ێ لەوما دێ چاڤێ وێ ل سەركەفتنێ بیت لێ هەكە خوسارەت بوو ژی دبیت وەكو باشترین تیما سێیێ دەربازبیت، ئەنجامێ یاریا فرەنسا و پۆلەندا تا رادەكێ دێ كارتێكرنا خوە هەبیتن.
فرەنسا ــــ پۆلەندا
یاریا دویێ ژ ڤێ كۆمێ شەڕەكێ دی یێ دەستڤە ئینانا پلێتێن قۆناغا 16ێ یە، یا ئێكێ هەلبژارتیێ فرەنسا دێ بەرانبەر پۆلەندا چەنكیت بۆ سێ خالان، دبیت هزر بهێتە كرن ئەركێ فرەنسا ب سانەهی بیت و دێ بزاڤێ كەت رێژەكا باش یا گۆلان تۆمار بكەت ب دیتنا هندێ كو پۆلەندا ژ دو یاریێن بۆری چو سەركەفتن نە ئیناینە و رێزا چارێ دهێت، لێ د تەپاپێی دا هەر ئەنجامەك دهێتە پێشبینیكرن، ستێرا فرەنسی كێلیان مباپی بۆ ڤێ یاریێ دێ بەرهەڤبیت دبیت ئەو ژی پالدەرەكێ هێزێ بیت، ژبەركو پۆلەندا چو هیڤیێن دەربازبوونێ نەماینە لێ یاری ژی ب سانەهی نابیت بۆ دیكلێن ئۆرۆپا.
