فرەنسا: ئیران بۆ فرەنسا و ئۆرۆپا بوویە مەترسی
ئیمانوێل ماکرۆن سەرۆکێ فرەنسا د داخۆیانیەکێ دا راگەهاند ئیران بوویە مەترسیەکا گەلەک مەزن بۆ ئاسایشا فرەنسا و ئۆرۆپا و دڤێت ئەم سنورەکێ بۆ ئیرانێ دانین و رێ نەدەین ئیران ئالۆزیان بۆ بەرژەوەندیێن ئۆرۆپا دروست بکەت.
سەرۆکێ فرەنسا ئەو یەک ژی دیار کر، ئیرانێ دڤێت ببیتە خوەدانا چەکێ ئەتۆمی، ئەو یەک ژی مەترسیەکا گەلەک مەزنە و دڤێت رێ نەدەین ئیران ببیتە خوەدانا چەکێ ئەتۆمی و گرنگە رێگریێ ل کارەکێ وەسا بکەین.
ئەو یەک د دەمەکێ دایە کو بەری چەند رۆژان وەزیرێ دەرڤە یێ ئیرانێ راگەهاند وەلاتێ وی بەرهەڤە ب رێیا دانوستاندنان ل گەل وەلاتێن ئۆرۆپی پرسا بەرنامێ ئەتۆمی یێ ئیرانێ چارەسەر بکەت لێ د هەمان دەمی دا ئیران ب چو رەنگەکێ ژی دەست ژ مافێن خوە بەرنادەت و ل هەمبەر هەر ئێرشەکێ ژی دێ ئیران یا پێدڤی کەت.
