فرەنسا ب توندی هۆشداریێ ددەتە ئیرانێ
وەزیرێ دەرڤە یێ فرەنسا دیار کر، هەکە ئیران دەست ژ بەرنامێ خوە یێ ئەتۆمی بەرنەدەت و هێشتا ژی بەرپرسێن ئیرانێ بەحسێ پیتاندنا یۆرانیۆمێ بکەن و پەیوەندیێن خوە ل گەل ئاژانسا جیهانی یا ئەتۆمی ژی ئاسایی نەکەن وی دەمی دێ ئۆرۆپا جارەکا دی دەست ب سزادانا ئیرانێ کەت.
جان نۆیێل بارۆ ئەو یەک ژی دیار کر، وان دەمەک بۆ ئیرانێ دیار کرینە، هەکە هەتا وی دەمی ئیران ب رەنگەکێ ئەرێنی بەرسڤا ئۆرۆپا نەدەت و دەست ژ بەرنامەیێن خوە یێن ئەتۆمی و موشەکی بەرنەدەت دێ سزایێن گەلەک گران ل سەر ئیرانێ هێنە سەپاندن و ئەو یەک ژ بۆ ئیرانێ دێ گەلەک خراب بیت، چونکی هەر کەس دزانیت نها رەوشا ناڤخوەیی یا ئیرانێ گەلەک خرابە، ژ بەر ڤێ یەکێ ژی گرنگە بەرپرسێن ئیرانێ دەست ب دانوستاندنان بکەن و رێککەفتنەکا نوو بکەن و گرنگە ئیران دەست ژ بزاڤێن خوە یێن بۆ ئالۆزکرنا رەوشا رۆژهەلاتا ناڤین ژی بەردەت.
