فـرەنسا و پـاشـەڕۆژا هـەرێما کـوردستانـێ
عەمەر هەرگوشی
هەلبەت دیبلۆماسیەتا کوردی ل بن سیبەرا حکومەتێن ئێک ل دیڤ ئێکێن کوردستانێ پێشڤەچوونەکا مەزنا ب خۆڤە دیتی و ژبلی هندێ کو ب تنێ چیا دۆستێن کوردان بوون، ئەڤرۆ دەولەتێن زلهێزێن جیهانێ یێن بووینە دۆستێن گەلێ کوردستانێ و کێشا رەوایا نەتەوێ کورد٠
ڤەکرنا مەزنترین کونسولگەریا زلهێزترین دەولەتا جیهانێ ل پایتەختێ هەرێما کوردستانێ و چێکرنا پەیوەندیێن دیبلۆماسی و ئابووری و سیاسی دگەل پشکا زۆرا دەولەتێن جیهانی ب هەونتە نەهاتیە چێکرن، بەرهەمێ تێکۆشین و راستگۆیی و خەباتا بێ سنوورا خەلکێ کوردستانێ یە ژ بۆ دیموکراتیەتێ و بەهایێن مرۆڤایەتی.
جهێ پێزانینێ یە کو ل بەر کاریگەریا سیاسەتا هەقبێژا سەرۆک بارزانی حوکمەتێن ئێک ل دوڤ ئێکێن کوردستانێ پێکولا کری کو ببنە جهێ باوەریا وڵاتێن دیموکرتخواز و مرۆڤ دۆست، جەنابێ سەروکێ هەرێمێ نێچیرڤان بارزانی د هەمی کابینەیێن حوکمەتا هەرێمێ دا شیانێن باش مەزاختینە کو دۆست و هاپەیمانا بۆ کەلێ کورد زێدە بکەت و ل تەنگاڤیا ببنە چیا ل پشت پشتا خەلکێ کوردستانێ، براستیژی حوکمەتا هەرێمێ یا سەرکەفتی بوویە ل سەرنج راکێشانا سەرکردێن مەزنێن جیهانی بۆ هاڤکاری و هەماهەنگیێ دگەل گەلێ کوردستانێ.
سەرەدانێن بێ بزدیانێن سەرۆکێ حوکمەتا هەرێمێ کاک مەسرور بارزانێ موکمی و هێزەکادی دا ڤێ بناخێ پەیوەندیێن گەلێ کوردستانێ و جیهانا ژ دەرڤە ب تایبەتی ئەورۆپا ئەمریکا و هندەک وڵاتێن عەرەبی و زێدەکرنا باوەریا وان ب کێشا پیرۆز و رەوای نەتەوێ کورد٠
دەما وەزیرێ دەرڤەیێ فرەنسا د بێژیت مە دڵنیایی دایە نێچیرڤان بارزانی کو دێ پشتەڤانیێن ڤان بین واتایەکا مەزن و دیروکی یا هەی کو د بێژیتە خەلکێ کوردستانی هنگۆ رێکەکا راستا گرتی و هنگ و بەرێ بناخێ دیموکراتیەتێ یێ دەینای ل دەڤەرێکێ کو ژ کاڤل و وێرانیێ پێڤە تشتەکی دیتر لێ نەبوو، هەر بڤێ واتایێ دبێژتە حوکمەتا هەرێمێ کو هنگو درێغی نەکر ل شەرێ ئیرهابێ و داعش و نەزانینێ٠
گەرەکە هەمی بزانن کو ئەڤرۆ نەبتنێ وەزیرێ دەرڤەیێ فەرەنسا بەلکی سەرکردە و پایەدارێن زۆر ل هەمی وڵاتێن ئەورۆپی مینا وەزیرێ فەرەنسا هەلوەستێ جێگیر و نەگورێ خۆ رادگەهینن کو هەمی جارا دێل رێزا پێشیێ بن ل هاریکاری کرنا گەلێ کوردستانێ و پاراستنا وان ژ هەمی هەرەشەیێن ناحەز و دۆژمنان٠
ئەو پێنگاڤێن حوکمەتا هەرێمێ ل پێناڤ پاراستنا مافێ مرۆڤی و سەروەریا یاسایێ.
دانانێ بەرێ بناغێ جڤاکەکا مەدەنی و دیموکرات یا بوویە جهێ پێزانین و رێزا هەمی دیموکراتخواز و چالاکڤانێن سیاسی و ماڤپەروەر.
هەمی جاران دۆستێن گەلێ مە تێکەز دکەن کو کوردستان ب سەروک بارزنی یا پاراستیە و گەلێ کوردستانی ل بەر سیبەرا هەلوێستێن وی یێن وڵاتپارێز و دیموکراتخواز یا د دەستەکی ئەمین داو هەر ل بەر سێبەر و شیرەتێن وی گەلێ کوردستانێ رۆژ ب رۆژ ل رەخێ رزگاریا ئێکجاری نێزیک دبیت٠
