فلاینێ بەر ب چینێ چوو
ئەڤرۆ نیوز:
تورا سکای سپورت یا برێتانی ئاشکرا کر یاریزانێ بەلجیکی و یانا مانچستەر یونایتد مەروان فلاینێ بەر ب وەلاتێ چینێ چوویە داکو ڤەگوھاستنا خوە ب دووماھی بینت بۆ خولا چینێ.
ڤی ژێدەری دیارکریە یاریزانێ ٣١ سالی پشتی چوونا مورینھوی و ھاتنا راھێنەرێ نوو یێ یانا مانچستەر یونایتد یا ئنگلیزی ئولی گۆنار سولشایری بوویە یاریزانێ یەدەگ و ئەڤ راھێنەرێ نوو باوەریا وی ب شیانێن یاریزان فلاینێ نا ئینت لەورا رێگریێ لێ ناکەت بەر ب یانەکا دی بچیت و نوکە نێزیکترین یانە ژی شاندونگ لونینگ یا چینی یە و کارگێریێن ھەردو یانەیان ژی گەھشتینە رێککەفتنێ ل سەر ڤەگوھاستنا ڤی یاریزانی.
