فلمه‌ فیسته‌ڤالا دهۆكێ‌ بۆ سینه‌ماكار و شانۆكاران جه‌ژنه‌

ئه‌ڤرۆ، هه‌رهین محه‌مه‌د:

ئه‌كته‌را خودان شیان رێزان سالح د دیداره‌كێ‌ دا بۆ به‌رپه‌رێ‌ هونه‌ری یێ‌ رۆژناما ئه‌ڤرۆ گۆت: گه‌را 8ێ‌ یا فلمه‌ فیسته‌ڤالا دهۆك وه‌كو خاڤاتیه‌كێ‌ یا تێدا هه‌ی و ئه‌وژی ئه‌گه‌ر هه‌بوونا نه‌خوه‌شیا كۆرۆنایێ‌ یه‌ و دبیت گه‌له‌ك كه‌س قه‌ستا فیسته‌ڤالێ‌ نه‌كه‌ن، به‌لێ‌ هه‌ر د وی ده‌مكی دا ئه‌و كه‌سێن قه‌ستا فیسته‌ڤالێ‌ دكه‌ن هونه‌رمه‌ند و هونه‌ردوست و رۆژنامه‌ڤان و شانۆڤان و سینه‌ماكار و شێوه‌كار و مۆزیكژه‌نن و ئه‌ڤه‌ جهێ‌ خوه‌شحالیێ‌ یه‌ و ئه‌ڤ ساله‌ فیسته‌ڤال جوان یا ب رێڤه‌ دچیت و د ئاسته‌كێ‌ باش دایه‌ و ژ به‌ر قه‌یرانا دارایی و نه‌خوه‌شیا كۆرۆنایێ‌ ئه‌ڤ كاره‌ هه‌موو هاتبوونه‌ راوه‌ستاندن، له‌ورا رۆژا ئێكێ‌ یا فیسته‌ڤالێ‌ بۆ سینه‌ماكارو شانۆڤانان وه‌كو جه‌ژنه‌كێ‌ بوو و ئه‌و هه‌ڤالێن به‌ری چه‌ند سالا مه‌ ئێك و دو نه‌دیتی د ناڤ فیسته‌ڤالێ‌ دا مه‌ ئێك و دو دیت.

ناڤهاتیێ‌ گۆت: “هه‌بوونا فیسته‌ڤالێن فلما گه‌له‌ك یا گرنگه‌ بۆ سینه‌ما كار و شانۆڤانان د فیسته‌ڤالێن فلمان دا مرۆڤ گه‌له‌ك ده‌رهێنه‌را دبینیت یێن پارچێن دی یێن كوردستانێ‌ و دبیت ب دانوستاندنان د ناڤ فیسته‌ڤالێ‌ دا ده‌رهێنه‌رو ئه‌كته‌ر به‌رنامه‌كی ب دانن و كارێن نوو پێكڤه‌ بكه‌ن و دبیت گه‌له‌ك نیشادانێن فلمان مرۆڤی دیتبان مرۆڤی حه‌زكربا ئه‌و نیشادان ئه‌نجامدابا.

کۆمێنتا تە