فلمێن كوردی گەهشتینە ئاستەكێ بلند
زنار تۆڤی:
سەدات قران، دەرهێنەرەكێ كوردە ل باكورێ كوردستانێ، هەروەسا دەرهێنەرێ فلمێ دكیۆمێنتاری(بلۆرا نشۆ)یە، د دیدارەكێ دا بۆ رۆژناما ئەڤرۆ دیاركر كو ناڤەرۆكا فلمێ دكیۆمێنتاری (نشۆ) كەسەكێ ئەرمەنە و كارێ دارتاشیێ ل باژێرێ ئامەدێ ل باكورێ كوردستانێ دكەت، د هەمان دەمدا بلۆرا ژی چێدكەت، دەمێ مالباتا وی ل سەر دەمێ ئۆسمانیا دا ل سالا 1915 ێ دهێنە قركرن، ئەو فلمێ دكیۆمێنتاری بەحسێ ژیانا وان دكەت، پاشی ل سالا 1970 ێ ل سەدێ بۆری مالا وان ژ ئامەدێ دچیتە ئیستانبولێ، ناڤارۆكا وی فلمی بەحسێ كارێ وان و دەمێ وارێ بابوكالێن خۆ بجه هێلایی و قەستا ئیستانبولێ كری دكەت.
ناڤهاتی گۆت: فلمە فیستەڤالا دهۆكێ بۆ هەموو سینەماكارێن كورد ل هەر چار پارچێن كوردستانێ بوویە پرەك و شیایە هەموو سینەمارێن كورد ل هەڤ كۆم بكەت، ئەڤە گاڤەكا هەرە گرنگ و پێشكەفتییە ژ بۆ هونەرێ كوردی، هەتا نوكە من كارێ دەرهێنانێ بۆ چار فلمێن دی ژی كریە و ئەز یێ گەشبینم كو سینەما كوردی دێ پێشكەڤیت و فلمێن كوردی دێ گەهنە ئاستەكێ بلند.
