فلمێ (ئه‌زموون) ل فله فیسته‌ڤاله‌كا نێڤده‌وله‌تی یا وه‌لاتێ چیك هاته نیشادان
ئه‌ڤرۆ:
فلمێ سینه‌مایی (ئه‌زموون – The Exam) ژ ده‌رهێنانا سینه‌ماكارێ كورد (شه‌وكه‌ت ئه‌مین كوركی) ل پشكا هه‌ڤڕكیا سه‌ره‌كی یا خۆلا 55 ێ یا فلمه فیسته‌ڤالا نێڤده‌وله‌تی (كاڕلۆڤی ڤاری) ل وه‌لاتێ كۆمارا چیك هاته نیشادان.
فلمێ سینه‌مایی (ئه‌زموون) به‌رهه‌مێ هه‌ڤپشكێ هه‌رێما كوردستانێ و وه‌لاتێ ئه‌لمانیا و قه‌ته‌ره، د نیشادانا خوه یا ئێكێ یا جیهانی دا ل ده‌مژمێر 8:00 ئێڤاریا رۆژا چارشه‌مبیا بۆری ب ئاماده‌بوونا هنده‌ك ژ ستافێ فلمێ ناڤهاتی ژ وان ژی ده‌رهێنه‌ر (شه‌وكه‌ت ئه‌مین كوركی) به‌رهه‌م هێنه‌ر (مه‌مه‌د ئه‌كتاش) هه‌ر دو ئه‌كته‌رێن سه‌ره‌كی ژ پشكا هه‌ڤڕكیا سه‌ره‌كی یا خۆلا 55 ێ یا فلمه فیسته‌ڤالا نێڤده‌وله‌تی (كاڕلۆڤی ڤاری) (ئاڤان جه‌مال) و (ڤانیا سالار) ل هۆلا گڕاند ل باژێرێ (كاڕلۆڤی ڤاری) ل وه‌لاتێ چیك چوو سه‌ر په‌ردا سینه‌مایێ و ژلایێ بینه‌رێن ڤێ فلمه فیسته‌ڤالێ ڤه پێشۆازی لێ هاته‌كرن.
