فلمێ (دو گیان د لاشەكی دا) ل كوردستانێ دێ هێتە وێنەكرن
زنار تۆڤی:
دەرهێنەر(سەهیم عومەر خەلیفە) د دیدارەكێ دا بۆ رۆژنامەیا ئەڤرۆ دبێژیت: نوكە ئەم مژوولی فلمەكێ سینەمایی یێ درێژن ب ناڤێ (دو گیان د لاشەكێ دا) ل كوردستانێ دێ هێتە وێنەكرن، بەری چەند هەیڤان مە هاریكاریا سیناریۆیێ ژ وەلاتێ بەلجیكا وەرگرتیە، ل گەل هندێ فلم فۆندا عیراقی ژی هاریكاری كریە بۆ چێكرنا ڤی فلمی، كو ئەو ژی هاریكاریا پێشخستنێ یە.
ناڤهاتی گۆت: ئەڤ پرۆژەەیە دناڤبەرا عیراقێ و هەرێما كوردستانێ و بەلجیكا و هۆلەندا دایە، ل ڤان سێ سالێن بهێت دا، ئەم دێ پارێ بەرهەمئینانا فلمی داخواز كەین، هەكە مە ئەو پارە ب دەستڤەئینا دێ پلانا مە یا دیارتر بیت و دێ دەست پێ كەین، هەروەسا ل ڤان چەند هەیڤان ئەم دێ ل ئەكتەران گەڕین و بۆ دەمێ هەیڤ و نیڤان دێ كارێ وێنەگرتنا فلمی كەین، هەر چەندە هێشتا دیارنەبوویە كانێ كەنگی دێ دەست ب كارێ وێنەگرتنێ كەین، چونكی ئەڤە دمینیتە ل سەر پەیداكرنا بودجەی.
