فلمێ سینەمایی (مێسی بەغدا) ل سینەمایێن بەلجیكا هاتە نیشادان
فلمێ (مێسی بەغدا) كو ژ نڤێسین و دەرهێنانا دەرهێنەرێ كورد (سەهیم خەلیفە عومەر)ی یە، پشتی نیشادانا وی ل پشكا بەریكانا سەرەكی یا گەڕا 15 یا فلمە فیستەڤالا نێڤدەولەتی ئۆستێندە ل بەلجیكا نوكە ئەڤ فلمە ل سینەمایێن بەلجیكا دهێتە نیشادان. هەژی گۆتنێ یە كو ناڤدارترین هۆلێن سینەمایێ ل بەلجیكا (كینا پۆلس) ل هەمی باژێران وی وەلاتی و ئورۆپا سینەما هەیە، فلمێ مێسی بەغدا ل باژێرێن بەلجیكا دهێتە نیشادان، كینا پۆلس پتر گرنگیێ ب فلمێن بازرگانی ددەت، بەلێ سالانە حەفت هەتا هەشت فلمێن هونەری ژی د هەلبژێریت د چارچۆڤێ پرۆگرامێ CINE-K د سینەمایێن خوە دا نیشاددەت و ئێك ژوان فلمان ژی مێسی بەغدایە.
