فلمێ (سەركەفتن) ل فەستیڤالا بەرلینێ دێ هێتە نیشادان
زنار تۆڤی:
فلمێ (سەركەفتن) یێ دەرهێنەرا كورد (سۆلین یوسف) دگەڕا (74) یا فلمە فەستیڤالا جیهانی ل بەرلینێ هاتە وەرگرتن و دێ ل وێ فەستیڤالێ هێتە نیشادان.
ناڤهاتیێ، ل دۆر وی فلمی بۆ رۆژناما ئەڤرۆ گۆت: ناڤەرۆكا فلمێ من بەحسێ ژیانا كچەكا كورد دكەت كو ژ رۆژئاڤایێ كوردستانێ هاتیە ئەلمانیا و ل وێرێ ژیانەكا نوو دەستپێدكەت، دەمەكێ درێژبوو من دڤیا فلمەكی ل سەر زارۆیان چێكەم، بۆ زانین فەستیڤالا بەرلینێ ئێكە ژ فەستیڤالێن هەرە باش و سالانە هەڤڕكی بۆ دەستنیشانكرنا باشترین فلم دهێتە كرن و خەلاتێ (هرچا زێڕی) د دەنێ.
سۆلین خەلكا پارێزگەها دهۆكێ یە، پتری بیست سالانە ل وەلاتێ ئەلمانیا دژیت، باوەرنامە ب ئەكادیمیا سینەمایی ل وی وەلاتی وەرگرتینە، بەری نوكە چەندین فلمێن سینەمایی چێكرینە و فلمێ ئێكێ ژی (مالا بێ بان) بوو.