فلمێ (می زوپۆتامیا رەش) یێ دهێتە چێكرن
ئەڤرۆ
زنار تۆڤی:
دەرهێنەر (هەردی حەسەن) د دیدارەكێ دا بۆ رۆژناما ئەڤرۆ دیار كر كو هەتا نوكە نێزیكی بیست كارێن سینەمایی وەكو ئەكتەر و پشت كامیرێ و بەرهەمئینانێ و هاریكارێ دەرهێنەری و دیزاینەری كار كریە، نوكە كارێ چێكرنا فلمان دكەت و هەتا نوكە چار فلم چێكرینە، نوكە مژوولی چێكرنا كورتە فلمەكی یە ب ناڤێ (میزوپۆتامیا رەش) پشتی ب دووماهی دهێت دێ پشكدارییێ د فلمە فیستەڤالێن جیهانی دا كەت.
ناڤهات گۆت: كورتە فلمێ (مالەكا تارییا سپی) ل هەولێرێ هاتیە وێنەكرن، هەژدە خولەكان یێ درێژە، ل فەلەستینێ خەلاتێ باشترین ئەكتەرا ژن وەرگرت، كو سارینا پەناهیدا رۆلێ سەرەكی تێدا گێرایە، ل هەیڤا بۆری ژی ڤی فلمی خەلاتێ باشترین ئەكتەر ل فلمە فیستەڤالا لوبنانێ یا نێڤدەولەتی وەرگرتیە، هەروەسا خەلاتێ باشترین دەرهێنەر ل فلمە فیستەڤالا گەردون یا نێڤدەولەتی ل هندستانێ دا وەرگرتیە، وەكو فلمسازەك بەردەوام بزاڤان دكەت ب رێیا سینەمایێ ببیتە خۆدیكا جڤاكێ خۆ و خەلك خۆ دناڤا فلمێن وی دا ببینن.
