فلمێ وی دێ پشكداریێ د فەستیڤالێن جیهانی دا كەت
دلڤین رەشید:
دەرهێنەر(سەرهات نەریمان) د دیدارەكێ دا بۆ رۆژنامەیا ئەڤرۆ دیاركر، كو ئەو خەلكێ كومەلگەها شاریایە و هەتا نوكە هژمارەكا كورتە فلمان بەرهەم ئیناینە و بەری دەمەكی ژی فلمێ شەهمەرانی ب دووماهی ئینایە و یێ بەرهەڤە بۆ پشكداریكرنێ د فلمە فەستیڤالان دا.
ناڤهاتی گۆت: ناڤەرۆكا فلمی بەحسێ ژیانا گەنجەكێ ئێزدی دكەت كو كارێ وی نیگاركێشە، دخوازیت ب رێكا كەڤالێن خوە داستانەكا كوردی ب ناڤێ شەهمەران ڤێ چیرۆكی دناڤ خەلكێ دا بەلاڤ بكەت، لەوراگەشتەكێ دناڤ باژێری دا دكەت ژبۆ هندێ ئەڤ داستانا كوردی و كلتۆری نەهیتە ژبیركرن، بەلێ كارێ وی یێ هونەری دهێتە دزین ئەو گەنج ژبۆ ڤەگەراندنا كارێ خوە ئەركێ وی زحمەتر دبیت ئێدی شەری نە بتنێ ژبۆ كەڤالێ خوە دكەت بەلكو ژبۆ ڤەگەراندنا كلتۆر و مۆزیكا كوردی ژی دكەت ئەوا هاتیە دزین ژلایێ هندەك كەسان ڤە كو بانگەشەیێ ژبۆ ڤێ چەندێ دكەن ئەو بەرهەمێ وانە و فلمێ (چیرۆكا نەگۆتی) ژ نڤیسین و دەرهێنانا منە، هژمارەكا ئەكتەران تێدا د پشكداران و ل نێزیك دێ پشكداریێ د فەستیڤالێن جیهانی دا كەت.
