فلمێ ئێکانە یێ سينه‌ما درێژ ل سەر ئێزدیان دھێتە چێکرن
ئەڤرۆ نیوز: کاروان باعەدری:
دەرھێنەرێ فلمی، نەوزاد شێخانی بۆ ئەڤرۆ نیوز دیارکر کو فلمێ “تۆڕن” دبیتە فلمێ ئێکانە یێ ئێزدیان یێ درێژ د دیرۆکێ دا.
زێدەتر گۆت: “بوویەرێن ڤی فلمی ل جۆرجیا ل ھەر ئێک ژ باژێرێن (تبلیس) یا پایتەخت و (باتۆمی) ل سەر دەریا رەش و ل کوردستانێ ژی د ناڤبەرا شێخان و پەرستگەھا لالش دا دھێنە وێنەکرن”.
دەرھێنەری گەشبینیا خوە ل ھەمبەر ڤی فلمی دیارکر و گۆت: “ئەڤ فلمە دێ ناڤودەنگەکێ مەزن د گۆرەپانا جەماوەری دا پەیدا کەت و گرنگیەکا مەزن ل سەر سينه‌مايێن جیھانێ پێ ھێتە دان”.
