فلمێ مین ههلگر بینهر ل هۆلێ راكێشا
ئهڤرۆنیۆز، سالار دۆسكى
ل سێیهم رۆژا فلمه فیستهڤالا دهۆك ل هولا كونگران فلمێ(The Deminer) كو ژ قههارهمانیا شههیدێ پێشمهرگه (فاخر) بوو، دهرهێنانا (هۆگر هرۆرى) بۆ جارا ئێكێ ل باژێرێ دهۆكێ ب بهرههڤبوونا ههژمارهكا مهزن یا سینهماكار و هونهرمهندێن ناڤخوه و بیانى هاته نیشادان، روودانێن فلمى ههر ل دهسپێكێ بینهر ب خوه ڤه گرێدا و خهلك نهچاركر ل گهل دیمهنێن فلمى بچیت و ههتا دووماهیێ چ بینهر ژ هۆلێ نه دهركهفتن بێ روندك نهباراند بن، ب دهستقوتان و چاڤێن گرى پێشوازى ل ستافێ فلمى و خێزانا قههرهمانێ فلمى هاتهكرن و دهرهێنان ب دهستخوهشى یا هاته پێشوازیكرن.
محهمهد محسن، ئێك ژ بینهرێن فلمى بوو، بۆ ئهڤرۆ نیۆز گۆت: دهستخۆشى ل دهرهێنهر و خێزانا قههرهمانێ فلمى دكهم گهلهكێَ خۆشبوو وهك بینهرهك و نهخۆشبوو وهك ههڤالهكێ من ژ سالا 1997 تایبهت شهرێ داعش ژى مه ئێك دیتى یه و فاخر چ جارا خوه نهچهماندیه و ههتا بریندار بوو ژى پتر رژد بوو ل سهر خهباتا خوه و شههید وبوونا وى جوداهى ههبوو چنكو بهرهڤانى ژ ئاخا خوه و مرۆڤاتیێ دكر.
دیار تهیب ئهندامێ پهرلهمانێ عیراقێ بینهرێ فلمێ ناڤبرى بۆ ئهڤرۆ نیۆز گۆت: بهلگه فلم بوو و ێَنهكێ زندى بوو و تشتێ مهدیتى ههموو زندى بوو و ههموو تشتهكێ سروشتى بوو و ئهڤه هێزا فلمى بوو، فاخر نموو نه بوو وهك سمبۆلهكێ بۆ بهرخودانێ و مرۆڤاتیێ و هیڤیخوازم ل جیهانێ خوه بینت و رۆلێ خوهیێ دروست بگێریت.
دهرهێنهر جانۆ رۆژبهیانى بۆ ئهڤرۆ نیۆز گۆت: فلمهكێ گهلهك بهێز بوو و ههموو تشتێ وێ یێ باش بوو مۆزیك مونتاژ، ئهڤ جۆره فلمێ ههژى خهلاتێن مهزن ل جیهانێ و دڤێت ب زووترین دهم بگههیته ئوسكارێ و خهلاتێ خوه وهربگریت.
جانۆ ئهو ژى گۆت: ئهف فلمه دێ بیته ناسناما مللهتێ كورد و ناسناما پێشمهرگهى، كوردهك بچیته ناڤ عهرهبان مینا ژ ناف راكهت و زارۆیێن وا ژ مرنێ پارێزیت و ههمان دهم ژى كرێیا خانى نهبیت و كرێداربیت، ئهڤه چ مللهته و گرنگه جیهان ههموو بینت.
كۆڤان جۆله دهرهێنهر و وێَنهگر، بینهرێ فلمى بوو بۆ ئهڤرۆ نیۆز دیاركر كو فلم ژ ههژى خهلاتى یه ل فیستهڤالا دهۆكێ، گهلهك فلمێن ئهمریكى ههنه ب وێ پشتهڤانیێ و سهنتهنهتێ نهشیاینه ڤى كارى بكهن.
دهرهێنهر رێبهر روشدى، بینهرێ فلمى بوو، بۆ ئهڤرۆ نیۆز گۆت: دهسپێكێ ههتا دووماهیێ تشتهكێ سهرنج راكێش بوو و جوان هاتبوو چێكرن، مه ههموویا زانى قههعهرمانێ شههید بووی، لێ ههكه كهسهكێ دى تهماشه بكهتێ و دووماهیێ بینت دهمێ شههید بیت دێ گهلهك كارتێكرن لێ هێتهكرن وهك بینهرهكێ خۆشبوو و مهزانى شههید فاخر بۆ ڤى مللهتى چ كریه.
روشدى ئهو ژى گۆت: مۆزیكه گهلهك یا جوان بوو و ههتا وێنه جوان بوو ههتا ئهرشیفێ فلمى و ب گشتى یێ جوان بوو.
دهرهێنهر ڤیان مایى، بینهرا فلمێ ئهڤرۆ بوو ل هولا كۆنگران بۆ ئهڤرۆ نیۆز گۆت: فلمێ ئهڤرۆ گهلهكێ باش بوو و شورهشهك بوو دجهێ خوه دا و دهستێ ههموو ستافى دههژینم و پیرۆز دكهم.
هۆگر هرۆرى، دهرهێنهرێ فلمێ (The Deminer) بۆ ئهڤرۆ نیۆز پێشتر دیاركركر بوو كو فلم ل سهر ژیانا پێشمهرگهكێ قههرهمانه بناڤێ (فاخر) كو ژیانا خوه ههموو بۆ بهرهڤانیكرن ژ مرۆڤاتیێ تهرخانكربوو و مین رادكرن، ژ 2003 دهمێ ل گهل هێزێن ئهمریكى ههتا سالێن دووماهیێ شهرێ داعش و پێ خوه ژى دهست دهت و نشتهگهرى بۆ دهێنهكرن و ههتا بهرى شههید بیت، فلم (83) خولهك بوون، فلمێ ناڤبرى چوویه گهلهك فیستهڤالێن جیهانى و ههتا نوكه (9) خهلاتێن مهزن بدهستخوه ڤه ئێخستینه.فلمێ مین ههلگر بینهر ل هۆلێ راكێشا
