فلمەكێ سینەمایی ل دۆر كارەساتا هەلەبجە یێ دهێتە چێكرن
ئەڤرۆ
عەزیز هەورامی:
دەرهێنەر (رێمان هەلەبجەیی) د دیدارەكێ دا بۆ رۆژناما ئەڤرۆ دیاركر كو ئەڤە دەمەمەكە ئەو مژوولی چێكرنا فلمەكێ سینەمایی نە ل دۆر كارەساتا هەلەبچە و ئەڤ فلمە دێ هێتە هژمارتن ئێك ژ قلمێن سینەمایی یێن مەزن ل دۆر وێ كارەساتێ هاتینە چێكرن.
رێمانی گۆت: پتریا ئەكتەرێن پشكدار یێن مە ب خوە نە، بەس ستافێ تەكنیكی مە ژ وەلاتێ ئیرانێ ئیناینە دا كو بشێین ب باشترین كولیتی بەرهەم بینین، ناڤەرۆكا فلمی ل دۆر ژیانا خەلكێ هەلەبجەیە بەری ئەو كارەسات ب سەری بهێت و ب كیمیابارانكرنێ ب دووماهی دهێت، سەرهاتیەكا دروست هاتیە بەحسكرن و دەمێ فلمی نێزیكی دو دەمژمێرانە، نوكە یێ دهێتە وێنەكرن و رەنگە هەتا سالەكا دی ب دووماهی بهێت، پاشان دێ یێ بەرهەڤ بیت بۆ نیشادانێ.
