فلمەکێ وی ل کوردستانێ و ئۆرۆپا دهێتە نیشادان
عەزیز هەورامی:
سینارێست و دەرهێنەر (هێژوان) د دیدارەكێ دا بۆ رۆژناما ئەڤرۆ دیاركر كو هەتا نوكە ئەو ب كارێ نڤیسین و دەرهێنانا پێنج كورتە فلمان رابوویە، هەروەسا د سێ كورتە فلمان ژی دا رێڤەبەرێ وێنەگرتنێ بوو، هەتا نوكە سێ خەلاتێن جیهانی ژی ل فیستەڤالێن دهۆك و سوید و كەنەدا وەرگرتینە.
ناڤهاتی گۆت: هەروەسا من فلمەكێ درێژ ژی ب ناڤێ (1988) نڤیسیە و كارێ دەرهێنانێ ژی بۆ كریە، ئەو فلم نوكە ل هەرێما كوردستانێ و چەند هۆلێن سینەمای ل دەرڤەی وەلاتی دهێتە نیشادان، د ئەڤ سالەدا من پێنج فلمێن درێژ بەرهەمئیناینە، لێ پێدڤیە پتر هاریكاریا سینەماكاران بهێتە كرن دا بەرهەم و فلمێن باشتر بهێنە چێكرن، چنكو ب مخابنی ڤە هەتا نوكە وەكو پێدڤی پشتەڤانی ل فلمسازان نەهاتیە كرن و پتر فۆكسا وان ل سەر بابەتێن سیاسیە و درامایێن كوردی ژی یێ ل ژێر هەژموونا وەلاتێن جیران دا.
