فلمە فێستیڤالا دهۆك وەكو جەژنەكێ یە بۆ سینەماكاران
ئێڤا، ئەكتەرەكا باژێرێ دهۆكێ یە، پشكداری درامایا (كەسەر) ب بوو، ددیدارەكێ دا بۆ رۆژنامەیا ئەڤرۆ گۆت: د دراما (كەسەر) دا من ڕۆلێ كچەكێ دگێڕا ل قوتابخانێ بزاڤ دكرن قۆپیایێ بكەم ب رێیا بلوتۆسان لێ ئەز ب سەر نەكەفتم، جارەكا دی ددرامایەكێ دا دەرهێنەرەكی رۆلەكێ ئەڤینیێ دا من، دێ ب وی رۆلی رابم ب وی مەرجی دڤێت بكەمە گری و گەلەك حەزژ گریێ دكەم و زوو تورەدبم ژی و هەر رۆلەكێ هەبیت دشێم بكەم ،چ كومێدی بیت یا تراژیدی دی بیت و كارێ من یێ سەرەكی ژی ریكلامە.
هەروەسا گۆت: بۆ ئێكەم جار من ل گەل دەرهێنەر (شینوار كەمال) كاركر و دبینم ئەكتەرێن كچ ل دەڤەرا مە گەلەك دكێمن دناڤ درامایێ دا و ل سالا بۆری ل هەر فلمە فێستیڤالا دهۆكێ دەرهێنەرەكی داخازژ من كر كو ل گەل وی كاربكەم و فلمە فێستیڤالا دهۆك یا نێڤدەولەتی گەلەك یا خۆشە وەكو جەژنەكێ یە بۆ سینەما كار و ئەكتەران و هونەرمەندان ب گشتی ل هەرچار پارچەیێن كوردستانێ و دونیایی و ل ئەڤێ فێستیڤالێ هەموو ئێك و دو دبینن و هزرا ئالوگوركرنێ چێدبیت دناڤبەرا وان دا.
