فه‌رزاد محه‌مه‌مه‌د: سه‌رباری نه‌رازیبوونا مه قاره‌مانیا هه‌رێمێ ژ دهۆكێ هاته ڤه‌گۆهاستن
ئه‌ڤرۆ،زنار زوبێر
د داخویانیه‌كێدا چێگری سه‌رۆكێ ئێكه‌تیا ته‌پاپێی یا هه‌رێما كوردستانێ بۆ رۆژناما ئه‌ڤرۆ دیاركر كو سه‌رباری به‌رهه‌ڤیێن وان بۆ مێڤانداریا قاره‌مانیا هه‌رێما كوردستانێ ل سه‌ر ئاستێ هه‌لبژارتیێن پارێزگه‌هان بۆ تازه‌پێگه‌هشتیان لێ ئێكه‌تیا ته‌پاپێی یا هه‌رێمێ رژد بوو قاره‌مانی ژ پارێزگه‌ها دهۆكێ بۆ هه‌ولێرا پایته‌خت بهێته ڤه‌گۆهاستن.
زێده‌تر فه‌رزاد محه‌مه‌د عه‌لی گۆت: بڕیاربوو قاره‌مانیا هه‌رێمێ ل سه‌ر ئاستێ تازه‌پێگه‌هشتیان ل دهۆكێ هاتبا كرن و هه‌ر تشته‌كێ پێدڤی وه‌كو ئۆتێل و یاریگه‌ه هاتبوونه دابینكرن و به‌رهه‌ڤیێن باش هه‌بوون، لێ ژ نشكه‌كێ ڤه به‌ری ده‌ستپێكرنا قاره‌مانیێ ب چه‌ند رۆژه‌كا ئێكه‌تیا ته‌پاپێی ئه‌م ئاگه‌هداركرن كو ژ دهۆكێ بۆ هه‌ولێرێ هاته ڤه‌گۆهاستن سه‌رباری مه حه‌ز نه‌دكر و نه‌رازیبووین ژبه‌ركو چو كێماتیێن به‌رهه‌ڤیا نه بوون و مه كار بۆ سه‌ركه‌فتنا قاره‌مانیێ دكر، مه داخازا روونكرنێ ژ ئێكه‌تیا هه‌رێمێ كر ئه‌وان ب بوهانا هه‌بوونا مه‌زاختیێن زێده و بارگرانیه‌ك ل سه‌ر مللێن تیمێن پشكدار دیاركر، له‌ورا ئه‌ز هوسا هزردكه‌م كو غه‌در ل تیما تازه‌پێگه‌هشتیان هاتیه كرن ژبه‌ركو دێ بارگرانیه‌ك ل سه‌ر مللێن تیما مه ژی بیت.
