فه‌رزاد یێ به‌رهه‌ڤیان بۆ به‌لاڤكرنا به‌رهه‌مێ نوو دكه‌ت
ئه‌ڤرۆ:
سترانبیژ فه‌رزاد مه‌هدی نیا یێ به‌رهه‌ڤیان بۆ به‌لاڤكرنا نووترین به‌رهه‌مێ خوه دكه‌ت كو ڤیدیۆ كلیپه‌كه بناڤێ (بینه بینه) كو چه‌ندین هه‌ڤالێن خوه پشكداری ڤێ ڤیدیۆ كلیپێ كرینه.
ناڤهاتی دیار كر كو د ڤیدیۆ كلیپا وی یا نوو دا مۆزیكژه‌ن (كه‌را كاوه) ل سنه كارێ مۆزیكێ بۆ كریه و گۆت: “ئه‌ڤ به‌رهه‌مه دوو ئاوازێن فلكلۆری یێن ده‌ڤه‌را هه‌ورامان ب خوه‌ڤه دگریت و ب ستایله‌كێ سه‌رده‌مانه هاتیه گۆتن”.
فه‌رزادی خویا كر كو نوكه مژوولی به‌رهه‌مئینانا ڤیدیۆ كلیپا سترانه‌كێ یه ل وه‌لاتێ سودید كو (كورده عومه‌ر)ی كارێ ده‌رهێنانێ بۆ كریه و د ناڤ ڤێ كلیپێ دا چه‌ندین هه‌ڤالێن خوه پشكداركرینه و بۆ رووداو گۆت: “هونه‌ر و ستران بێ جوداهی بۆ هه‌موو كه‌سانه، ژ به‌ر ڤێ چه‌ندێ پێدڤیه ئه‌و كه‌سێن د ناڤ ڤیدیۆ كلیپێ دا د پشكدار هه‌ڤالێن سترانێ بن”.
سترانبێژ فه‌رزاد مه‌هدی نیا، سترانبێژ و ئاوادانه‌ر ل ده‌ڤه‌را هه‌ورامان ل سنوورێ دناڤبه‌را باشوور و رۆژهه‌لاتێ كوردستانێ دا ژدایكبوویه، ل سالا 2003 ده‌ت ب كارێ هونه‌ری كریه ل سالا 2017 پشكداری د به‌رنامه‌كێ به‌ریكانه‌كا به‌هره‌مه‌دان دا كریه و ناڤوده‌نگی بده‌ستخوه‌ڤه ئینایه.
