فه‌رهادی گێولێ زارڤه‌كرنێ نه‌مایه
ئه‌ڤرۆ، هه‌رهین:
زارڤه‌كه‌رێ كومێدی فه‌رهاد سه‌فه‌ر، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: هندی یا من پێ چێبووی من دا زارڤه‌كرنێ، به‌لێ ب مخابنی ڤه زارڤه‌كرنێ چو نه‌دا من و دبینم زارڤه‌كرن چوو نانی ناده‌ته مرۆڤی و ژبلی كارێ زارڤه‌كرنێ فه‌رمانبه‌رم ل رێڤه‌به‌ریا ره‌وشه‌نبیری و هونه‌ری و پاشان كاره‌كێ دی ژی یێ ئازاد دكه‌م و دشێم هه‌موو رۆلان ب گێرم چ رۆلێ كومێدی بیت، یان تراژیدی بیت و هه‌تا نوكه ب چ رۆلان به‌رنیاس نه بوویمه كو ب وی رولی خه‌لك من ب نیاسن و گازی من بكه‌ن.
دبینم ده‌رهێنه‌رێن مه چ جوداهیێ ناكه‌ن دناڤبه‌را زارڤه‌كه‌ران دا، به‌لێ ئه‌ز بخوه دوركه‌تیمه ژ زارڤه‌كرنێ ڤان كاودانێن نوكه ئه‌م تێدا ده‌رباز دبین من ب خوه ژی چ گێول نه‌مایه پشكداری فلم و دراما بم و ل نك من یا نورماله ل گه‌ل كیژ كومێ بیت دشێم كاربكه‌م و من ل گه‌ل گه‌له‌ك كوما كاركریه و ل دووڤ شیانێن خوه من په‌یا ما خوه گه‌هاندیه.
