فه‌قەیەک ل ناڤ سەرشۆیا مزگه‌فتەکێ ب هەلاویستی هاتیە دیتن
ئەڤرۆ نیۆز،عەزیز رەسۆل هەورامانی:
پۆلیسێن گه‌رمیان رادگەهینن ل سەرشۆیا مزگه‌فتا سیراجەدین ل قه‌زا كه‌لار ته‌رمێ فه‌قەیەکێ وێ مزگەفتێ ب هه‌لاویستی هاتیە دیتن.
ڕائیدێ مافپه‌روه‌ر عه‌لی جه‌مال بەردەڤکێ پۆلیسێن گه‌رمیان بۆ ئه‌ڤرۆ نیۆز راگەهاندیە کو ل دەمێ بوری ئەم هاتینە ئاگەهدارکرن کو تەرمێ کەسەکێ ل مزگەفتا سیراجەدین ل گەرەکا سەد مالەک قەزای کەلار هاتیە دیتن و مەفرەزە یا مە چووینە جهێ روودانێ و دەرکەفتیە کو تەرمێ وەلاتیەکێ ب ناڤێ (فاروق ناجی محەمەد) ک ژ دایکبوویێ 1995 ل ناڤ سەرشۆیا مزگەفتێ ب هەلاویستی هاتیە دیتن،ب مەبەستا پشکنینێ تەرمێ ناڤهاتی هاتیە رەوانەکرن بۆ نۆشداریا داد ل کەلار.
گۆتیە ژی:په‌رێن ڤەکۆلینێ ل لەسەر چاوانیا ڤێ روودانێ هاتینە ڤەکرن،هاتاکو نوکە نە یا دیاە کا وی کەسی ب خوە خوە هەلاویستیە یان هاتیە هەلاویستن.
پۆلیسان زێدەتر گۆتیە:ئەو کەس قوتابییێ ئاینی بۆ ل وێ مزگەفتێ و ل وێرێ ل گەل هەشت گەنجێن دیتر کو یێن هەڤالێن ئێکبوون رۆژانە ژلایێ مامۆستایەکێ ئاینی ڤە وانەیێن ئاینی دخواندن، ل دووڤ بریارا دادوەری و ل دووڤ مادێ 405 ئەو مامۆستا و هەر هەشت قوتابی یێن هەڤالێن وی هاتینە دەستگیرکرن.
