فه‌له‌ك حه‌ز ژ رولێن خه‌مگین دكه‌ت
ئه‌ڤرۆ، هه‌رهین محه‌مه‌د:
فه‌له‌ك ره‌مه‌زان، ئه‌كته‌را رۆژئاڤایێ كوردستانێ دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ده‌مێ زارڤه‌كرنی َدكه‌م هه‌موو ده‌مان حه‌زدكه‌م رولێن كه‌سێن خه‌مگین ب گێرم، چونكو ل گه‌ل كه‌سایه‌تیا من گه‌له‌ك دگونجن و دشێم رولێن ئه‌ڤینداری ژی ب گێرم، به‌لێ رولێن كه‌سێن خه‌مگین بۆ من خوه‌شترن و ڤی كاری دكه‌م بتنێ حه‌ز و ئارازوویا منه و ڤی كاری دكه‌م نه‌بوو وێ چه‌ندێ دا به‌رنیاس ببم یان ژ به‌ر تشته‌كێ دی ب زارڤه‌كرنێ گه‌له‌ك ئارامم ب تایبه‌تی ل گه‌ل هه‌ڤالێن زارڤه‌كه‌ر و ده‌رهێنه‌ران و هه‌تا نوكه چ ده‌رهێنه‌ر نه‌بووینه من ب روله‌كی بشكێنن و من رێز بۆ هه‌موو ده‌رهێنه‌ران هه‌یه و ئه‌و رولێن ل دووڤ كه‌سایه‌تیا من ده‌نه من و پشكداری گه‌له‌ك فلم و فلمێن سینه‌مایی بوویمه و ل گه‌ل گه‌له‌ك ده‌رهێنه‌ران و بۆ من جهێ شانازیێ یه كو من ل گه‌ل وان ده‌رهێنه‌ران كاركریه ب تایبه‌تی ده‌رهێنه‌رحسێن حه‌سه‌ن.
فه‌له‌كێ گۆت: فلمه فیسته‌ڤالا دهۆك گێرانا وێ بۆ سینه‌ماكار و ئه‌كته‌رێن كورد ل هه‌ر چار پارچێن كوردستانێ گه‌له‌ك یا گرنگه و د فیسته‌ڤالێ دا هه‌موو ئێك و دو دبینن و مفایی ژ شیان و هزرێن ئێك و دو دبینن و ئه‌ڤ چه‌نده ژی دبیته ئه‌گه‌ر فیسته‌ڤال یا به‌رده‌وام بیت.
ناڤهاتی گۆت: “ل سالا 2015 دێ دا من كورته فلمێ خوه یێ ئێكێ بناڤی ((The Unkown lift چێكر كو ل فیسته‌ڤالا ره‌وانگه خه‌لاتێ باشترین ده‌رهێنه‌رێ گه‌نج وه‌رگرت و هه‌تا نوكه من شه‌ش كورته فلم چێكرینه و وه‌كو ئه‌كته‌ر د گه‌له‌ك فلمێن درێژ دا پشكداربوویمه”.
