فوئاد حسێن: فەرهەنگا مەركەزییەتێ ئاستەنگ بۆ دیموكراسییەتێ ل ئیراقێ دروستكرینە
فوئاد حسێن، وەزیرێ دەرڤەیێ ئیراقێ راگەهاند: ئیراق روو ب روویێ ئاستەنگێن مەزن بوویە كو ئەوژی زالبوونا فەرهەنگا مەركەزییەتێییە.
ب دیتنا ناڤبری، ئەڤ فەرهەنگە كو ئەنجامێ پێكهاتەیێ عەشیرەتگەری و جەگرافییە، كێشە بۆ پرۆسەیا دیموكراسی و هەڤپەندیێن د ناڤبەرا حوكمەتا ناڤین و هەرێم و پارێزگەهان دروستكریە.
وەزیرێ دەرڤەیێ ئیراقێ دوپاتی ل وێ چەندێ كر» دیموكراسی د بنەڕەتدا ب رامانا هەڤپشكیێ و پشكداریكرنێ دهێت، دەمێ باسێ هەڤپشكیێ دكەی، ئانكو یێ هەڤپشكی د هزركرنێدا، د پلاندانانێ و د بجهئینانێدا».
فوئاد حسێن ئاماژە كر ژی» هەرچەندە فەرهەنگا پێكڤەكاركرنێ هەبوون هەیە، بەلێ پێدڤی ب چارچۆڤەیەكێ قانوونی هەیە بۆ پاراستنا وێ، مە پێدڤی ب قانوونەكێیە كو فەرهەنگا دیموكراسی و فەرهەنگا دیالۆگێ بپارێزیت و بكەتە واقعەكا كریاری».
