فوتویێن خوە فروتن و کارەکێ خێرخوازی ئەنجام دەت
زاخۆ، عەلی حاجی:
دداخویانیەکێ دا دەرھێنەر کامیران بێتاسی بۆ ئەڤرۆ نیوز دیار کر پشتی ل رێکەڤتی 20/6/2019 پێشانگەھەکا تایبەت یا فوتویێ ب پەنابەران ڤە ڤەکری ل زاخۆ ، من بریار دایە داھاتێ وێ پێشانگەھێ بۆ پەنابەران تەرخان بکەم .
کامیران بێتاسی زێدەتر گوت ژی : ل رێکەڤتی 20/6/2019 ب ھەلکەڤتا روژا جیھانی یا پەنابەران رابوم ب ڤەکرنا پێشانگەھەکا تایبەت یا فوتویان ، ئەو فوتویە ژی تایبەت بون ب پەنابەر و ئاواران ڤە ، ئەو وێنە من ب ھخوە گرت بون ل کەمپێن کوردستانێ و ژدەرڤەی کوردستانێ ، دوێ پێشانگەھێ دا 50 فوتو ھاتنە نیشاندان و ھەر فوتویەکێ ژی چێروکا خوە ھەبو ، سەرەرای ھندێ ژی من دڤیا ب رێیا وێ پێشانگەھێ پەیامەکێ بگەھینم ، بەلێ من بریاردایە داھاتێ وێ پێشانگەھێ بێخمە دخزمەتا ئاوارەێین دناڤ کەمپان دا ل سنورێ دەڤەرا زاخۆ .
ناڤھاتی گوت ژی : ھەتا نوکە 25 ھەتا 30 تابلویێن فوتویێن وێ پێشانگەھێ ھاتینە فروتن و پێشبینی دکەم ئەوێن مایی ژی بھێنە فروتن ، مە لژنەیەک پێکئیناتیە کو پارێ وان تابلویان ب وێ لژنێ دھێتە رادەست کرن ، ل دووڤرا وەکو کارەکێ مروڤایەتی ئەو پارە دێ ھێتە کومڤە کرن و دێ ل کارەکێ خێرخوازی ھێتە خەرچ کرن دناڤ کەمپان دا ، ھەتا نوکە ئەو بریا رمە نەدایە کو دێ ب چو رەنگ مەزێخین وی پارەیی ، بەلێ دبیت بو زارویێن ناڤ کەمپان دا بھێتە خەرچ کرن .
