فڕەنسا نەرازیبوونا خوە ل هەمبەر ئسرائیلێ دیار دکەت
بەری چەند رۆژان بەرپرسەکێ ئسرائیلێ راگەهاند، وان دڤێت رێڤەبەریا نوو یا غەزە سەر ب هندەک کەسێن جوداڤە بیت و نابیت ب چو رەنگەکێ حەماس و کەسێن سەر ب وێ ڤە ئێدی ل غەزە بمینن، دڤێت غەزە ب رەنگەکێ نەراستەوخوە ژ ئالیێ ئسرائیلێ ڤە بهێتە برێڤەبرن.
دوهی وەزارەتا دەرڤە یا فرەنسا راگەهاند، هەلوەستێ نها یێ ئسرائیلێ سەبارەت ب غەزە و پرسا فەلەستینێ د جهێ خوە دا نینە و دڤێت بنیامین نەتانیاهۆ سیاسەتا خوە ل هەمبەر فەلەستینێ بگوهۆڕیت، چونکی غەزە پشکەکە ژ ئاخا فەلەستینێ و دڤێت خەلکێ فەلەستینێ سەبارەت ب غەزە بڕیارێ بدەن، هەلوەستێ نها یێ ئسرائیلێ دێ بیتە ئەگەرێ ڤێ یەکێ شەرێ نها هەی ب سالان ڤەکێشیت و ئەو یەک دێ کاریگەریەکا خراب ل هەموو دەڤەرێ کەت.
