فۆتسالا زاخۆ به‌رهه‌ڤیان بۆ كۆپا ئیراقێ دكه‌ت
زاخۆ، عەلی حاجی:
د داخویانیەکێ دا راهێنەرێ تیما فوتسالا کچێن یانه‌یا زاخۆ بۆ رۆژناما ئەڤرۆ دیار کر ئه‌و دێ پشكداری كۆپا ئیراقێ بن ئه‌وا بڕیاره هه‌ڤڕكیێن وێ ل 18ێ ڤێ مه‌هێ پارێزگه‌ها دهۆكێ مێڤانداریا وێ دكه‌ت و ژ ده‌ستدانا خولا كوردستانێ ئه‌گه‌ر هه‌بوون.
زێده‌تر دلۆڤان محه‌مه‌د گۆت: کارگێریا یانێ بریاردایە تیما مە پشکداریێ كۆپا ئیراقێ بیت لێ پێدڤیە ئەم یاریزانێن خوه رازی بکەن بمینن دگەل تیما مە دا ژبەر کو پشکەک ژ وانا گرێبه‌ستا چه‌ند یانەیێن ئیراقێ ئیمزاكرینه، یا فه‌ره پشتەڤانی ل تیما مە بهێتە کرن دا کو بشێن ب ڤێ تیمێ پشکداربین، هەکە گرێبه‌ستێن وان نەهێتە ئێکلا کرن دێ پشكداریا مه یا زەحمەت بیت.
هه‌روه‌سان ناڤهاتی گۆت: د خولا نایابا فوتسالا کوردستانێ شیاین بگەهیتە یاریا دووماهییا خولێ و ناسناڤ به‌رانبه‌ر ئافره‌تێن هه‌ولێر ژده‌ستدا، ئێك ژ ئه‌گه‌ران بڕیارا ئێکەتیا تەپا پێی یا کوردستانێ جهێ سه‌رنجراكێشێ بوو ژبەرکو به‌ری کێمتری دو رۆژان ژ نوو ژڤانێ یاریێ هاتە دەستنیشان کرن كو ل ئێڤاریا سێ شەمبێ بریار هاتە دان بۆ رۆژا پێنچ شەمبێ دووڤدا یاریا دووماهیێ بیت، ئەڤچەندە ل چو جهان نینە ب ڤی رەنگی بریارێ بده‌ن، هەر دیسان ئەردێ یاریگەهێ ژی بۆ ئێکەم جاره یاریزانێن مە ل سەر جورێ ئەردێ یاریگەهێ یاریێ ئەنجام بدەن، زێدەباری هندێ ژی ئێک هەتا دو یاریزانێن وێ تیمێ د یاریا دووماهیێ دا یاری ئەنجام دان و ئەڤچەندە ژ ئەگەرێ سەرەکیێن خوسارەتیا تیما مە بوو.
